九龍寨城公園
九龍,  兩個人影吓相

三不管地帶古色古香 九龍寨城神還原清代園林



九龍寨城帶俾人最深印象就係曾經有約100年屬於「三不管」地帶,目前繼續以公園形式開放,庭園設計有東、南、西、北門,分為9個景區,全以中式江南園林為藍本,園內古色古香,神還原昔日風貌。

位處九龍城、靠近賈炳達道單車公園嘅九龍寨城公園,前身九龍寨城,為充滿戰略性價值嘅歷史地標之一,9個景區包含衙府緬昔、古蹟南門懷古、獅子窺園-邀山樓、棋壇比弈遊弈園、生肖倩影-童樂苑、八徑異趣、歸璧半亭、四季同馨-廣蔭庭,亦有展覽館同戶外展區,電影屏幕有更多介紹,園內曾發掘同保存唔少歷史遺跡,既可作拍拖散步之處,又或兩個人休憩地方,亦可以認識歷史。

當中,城寨南門就以出土花崗岩石製,刻上南門同九龍寨城字跡,東、南門牆身都明顯有歷史痕跡,九龍寨城石額都曾被一分為二,而清代嘉慶年間鑄成嘅大炮、石樑、對聯、柱礎、排水溝、石板街等殘存遺蹟都予以保留。

九龍寨城公園同美孚荔枝角公園一樣,但以清代江南園林設計,小橋、瀑布、水榭環境清幽,似足宮廷式庭園,更有兩層高樓閣,古雅味道重,可作拍攝古裝服飾之地,但就比起荔枝角公園人流稀少,絕對係閒遊好地方!再者,園內未有完全被附近大廈包圍,加上池塘、瀑布景,古色古香,適合打卡。

至於點解會被稱為「三不管」?據悉,九龍寨城原本由清廷官員駐守,但後來1899年被英國派兵佔領,同時趕走清廷官兵,令寨城缺少法治管理,進入半無政府狀態。後來日治時,拆除城寨嘅城牆,用作興建啟德機場,另一端城牆可用以監察駐軍。而二戰後城寨內亦無政府監管,樓宇興建得密集,一街一巷聚集低下階層,曾經有30000幾人住喺九龍寨城內。而各類黃、賭、毒窟、廉價無牌牙醫、罪犯等紛紛將城寨作匿藏巢穴,黑社會罪惡溫床,中國政府不管、英國政府不管、香港政府不管,所以就形成三不管地帶,以致城寨進入咗完全嘅無政府狀態。直到1987年港府清拆寨城,於1994年清拆完成並改建公園,將歷史痕跡保留。九龍寨城南門懷古目前已被列為法定古蹟,有時間不妨去逛一逛啦!

E.A.Tips﹕

(1)可乘搭巴士路線1、11K、10、113、75X、85、85A、85B、891、1A、2A、3B、5、5C、5D、6D、9、11、11B、11D、13D、14、15、16、17、21、24、26、27、28、42、61X、85X、93K、95、98C、101、106、107、111、116、203E、296C、297、796X、A22、E23、2D、7B、6P、108、11X、20、22、796C、E23A、12A、213D到九龍城,或者小巴路線25M 、39M、46、49、70、70A、105、110、13、25A、25B、88、2、2A、69、69A。

(2)園內並無停車場,需要停泊九龍城廣場或對出幾條街道嘅停車格。

(3)公園內都係散步休息嘅附近居民或遊人,記得保持安靜。

延伸閱讀﹕九龍城玖捌非一般茶飲店 坐低歎懷舊港式下午茶

九龍寨城公園

賈炳達道公園
06:00 – 23:00(展覽館10:00 – 18:00,星期三休息)

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


鄰近車公廟!沙田大圍廢校轉化綠色空間 環保博物館將藝術融入生活
全港3間分店!復古裝潢還原屋邨走廊賣懷舊點心 老馮茶居不如用一款點心單飛?
藜麥紅白米飯配滋補燉湯 大角嘴$48健康港式便當
荃灣清靜秘密花園 大會堂劇院咖啡店歎下午茶
大角嘴街坊刺身壽司專門店 丼飯全日供應最平$40
元朗錦田路邊大排檔毗連公園街市 超高水準街坊醉雞麵/海南雞飯回頭率高
荃灣人氣新式大排檔旗艦店 與時並進改良舊餸菜吸斯文客人?
石崗軍營賞楓!雷公田起步遊200年歷史甲龍古道 直搗川龍家樂徑眺青馬/昂船洲大橋【秋季紅葉2021】
大角嘴高水準台式手工芋圓店月底將結業 滿$100送2件芒果糯米糍
【年糕巡禮2022】新年最黃賀年糕點完整名單!近50間港九新界實體店連網店年糕蘿蔔糕即刻預訂!
野餐隨行【大嶼山及離島篇】有View有草地!全港100個近鬧市近食肆安心野餐點 梗有一個喺左近!
野餐隨行【港島篇】有View有草地!全港100個近鬧市近食肆安心野餐點 梗有一個喺左近!
野餐隨行【新界篇】有View有草地!全港100個近鬧市近食肆安心野餐點 梗有一個喺左近!
野餐隨行【九龍篇】有View有草地!全港100個近鬧市近食肆安心野餐點 梗有一個喺左近!
荔枝角程班長台灣美食宣佈即將結業 台灣味牛肉麵營業至3月!
露營地全禁?赤徑藏荒廢小教堂!西貢東100%瀝青路穿越鹹田灣+西灣沙灘