2020-10-28
聖母無原罪主教座堂

哥德式教堂藏半山區山頭 一級歷史建築見證社會滄桑



由1990年被評為一級歷史建築,迄今30年,聖母無原罪主教座堂以哥德式風格設計,座落中環半山區,屬於天主教香港教區嘅主教座堂,從高地見證香港社會變化,為真香港教堂之一。

聖母無原罪主教座堂於19世紀建成,充滿歐洲風格,設計樸素而高雅,以歐式教堂嚟講,年紀尚輕,教堂曾於2003年獲聯合國教育科學文化組織頒發亞太區文化遺產優良獎。教堂最初喺1843年曾設於中環威靈頓街,後於1858年因擴建發生火災被瞬間夷為平地,1860年重建後又因地段不宜聚會而改於堅道興建主教座堂,原址已於1886年拆卸。

呢座哥德式教堂牆身採用磚、石頭建造,底部、柱就以花崗岩建成,由倫敦公司設計,於聖母無原罪節日1888年12月8日啟用。座堂頂部為十字架狀嘅耶穌像,因地勢問題並非對稱,而座堂長82米、寬40米、高23.7米,計埋中央尖塔會有33.7米高,足足高10米。白色為主調嘅教堂有簡潔、穩重感,喺附近建築群中突圍而出,清幽寧靜中帶有神聖感覺。

座堂曾於香港保衞戰中被破壞,日佔時期則無咁多破壞,教堂於1946年封為教區,演變成主教座堂。近一年香港社會動盪不安,而座堂屬天主教香港教區,樞機、牧師等都對香港前途相當憂心,曾多次發出呼籲特首徹回「逃犯條例」修訂、就警民衝突成立獨立委員會等。而由中環步行沿路經過嘅粉藍色教堂聖保羅堂,教堂由內到外設計比天空天藍,背景則為香港聖公會,與其去維穩教堂,倒不如找尋香港良心教堂。

從教堂觀察,往往可以睇到悠久歷史、獨特建築,窗戶、彩繪玻璃窗等都可以睇到各項細節,教堂予人莊嚴、神聖感覺,加上座堂位處高地,相比低地有種獨有寧靜,半山區山頭中竟然隱藏一座超靚教堂,不妨兩個人屏住呼吸,上山拍拖散散步。

聖母無原罪主教座堂

香港半山區堅道十六號
星期一至五 07:00 – 19:00、星期六 07:00 – 17:00、主日 13:00 – 19:00(疫情期間暫停開放)

Please Like & Follow & Subscribe /
歡迎讚好、追蹤、訂閱