【3低本地遊】中環半山 歷史地帶
3低本地遊,  兩個人旅吓行,  和你Taste

【3低本地遊】中環半山探索歷史建築物 漫畫風天橋兼薄荷綠摩囉廟打卡 尋高水準鯛魚湯拉麵

瀏覽次數:167
個人瀏覽過





中環半山區向來高尚住宅林立,分為東半山、中半山、西半山、北半山,聚集本地中產以上嘅有錢人,由中環步行上半山區,可以找尋一個充滿漫畫風嘅天橋,亦可以到甚少見嘅薄荷綠色摩囉廟打卡,登上半山更可以拍拖兩個人回望中環風景。

第一站﹕一起食堂

位處中環鬧市嘅一起食堂,雖然以台灣菜為主打,但就特別採用台菜日食嘅方法,將台灣菜以日式定食風格呈現,例如台灣菜紅燒牛肉麵,配搭日式烏龍麵,加上日式定食嘅配菜,上枱時有種Fusion菜嘅感覺。

延伸閱讀﹕中環小店台菜日食 紅燒牛肉Crossover日式烏龍麵

第二站﹕聖母無原罪主教座堂+聖保羅堂

由中環步行上半山,會先經過一座歷史悠久嘅純白教堂,為一級歷史建築,採用哥德式風格設計,教堂整體夠簡潔,對比旁邊商廈,感覺幽靜而神秘,狀似躲藏於山頭之中,一直見證住本土歷史變遷。

延伸閱讀﹕哥德式教堂藏半山區山頭 一級歷史建築見證社會滄桑

第三站﹕己連拿利天橋

經過純白教堂後,可以直上一道構圖獨特嘅天橋,位置靠近己連拿利,黃昏時份站於天橋中,昏黃光線特別有意境,如同穿梭至平衡時空,加上天橋縱橫交錯,畫面更有漫畫風格,位置的確可以影吓相。

第四站﹕干德道配水庫遊樂場

繼續向山頂上行,可以干德道配水庫遊樂場為目的地,為高尚住宅區之上嘅賞景地,居高臨下可以隨意觀賞山下景色,環境清幽舒服,可用作閒遊,路段可以折返中環半山扶手電梯。

第五站﹕雲石堂守衛室

至於附近嘅雲石堂守衛室,就係高尚住宅旁邊嘅廢棄舊屋,海拔高約500呎,為香港二級歷史建築物,屋內難以進入,本身屋內裝潢豪華,但從窗口觀望,已經破舊不堪,而且無人居住。

延伸閱讀﹕中環異次元空間! 己連拿利天橋縱橫交錯平衡時空 半山廢棄舊屋原來大有來頭

第六站﹕半山些利街清真寺

折返中環半山扶手電梯,可以前往另一座更鮮為人知嘅歷史建築物,其實就係一座髹成薄荷綠色嘅摩囉廟,事實上係一座香港一級歷史建築物,亦係全港最古老嘅清真寺。寺廟頂端有伊斯蘭教星月圖案特徵,旁邊有呼拜塔,廟內有彩色玻璃,的確帶有幾分神秘感。

延伸閱讀﹕中環半山藏薄荷綠摩羅廟 全港最古老清真寺被列一級歷史建築

第七站﹕○de▽ 鯛白湯らーめん

中環至上環之間有一間極高水準嘅過江龍拉麵店 〇de▽鯛白湯らーめん,來自大阪,以鯛魚湯拉麵為主打,只有3款招牌拉麵,當中有鯛魚白湯拉麵、鯛魚清湯拉麵、鯛魚沾麵。湯底有濃厚魚湯味,魚香撲鼻,充滿日本風格。

延伸閱讀﹕大阪過江龍人氣拉麵店抵港 全港獨有鯛魚湯

Budget(以兩個人計算)﹕
午餐﹕一起食堂 —————————————— $180
聖母無原罪主教座堂 ————————————- $0
己連拿利天橋 ——————————————— $0
干德道配水庫遊樂場 ————————————- $0
雲石堂守衛室 ——————————————— $0
半山些利街清真寺 —————————————- $0
晚餐﹕○de▽ 鯛白湯らーめん ————————— $305
總數 ——————————————————- $485




E.A.Tips﹕

❶ 沿中環扶手電梯上行,就可以節省腳骨力。








Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


太安樓起家!筲箕灣東大街人氣雪糕班戟 暖笠笠法式甜品配涼浸浸雪糕球 歎埋消暑雪頂茶飲啖啖舔舔脷
近大潭水塘!陽明山莊僅存殖民時代皇冠電話亭 紅噹噹包廂懷舊味濃
【野餐隨行】油麻地一級歷史建築鬧市空中花園野餐 神秘台式廚師發辦$100有找!
【野餐隨行】石硤尾池畔叢林小餐廳歎日式超靚便當 街角文具店兼賣醉雞麻醬蕎麥麵
大角嘴迷你威尼斯西餐廳Risotto出色 中西合璧加臘味賣Fusion?
【野餐隨行】小西灣角落港式下午茶 鬆軟夾餅拼金黃雞蛋仔粒粒飽滿
大角嘴海南雞專門店外賣孖寶套餐人均$79 除咗雞飯重有乜?
【邊境一日遊】尖鼻咀濕地5分鐘登龜山眺后海灣 沙橋村蠔殼田絕美夕陽餘暉
大隱隱於市!尖沙嘴鬧市藏維多利亞時代百年歷史建築物 遊走法定古蹟探視紅磚遊廊金字瓦頂
【野餐隨行】長洲歎人氣沙嗲牛米通 堤邊樹蔭全海景野餐 甜品有炸芒果糯米糍!
採環保餐盒+餐具!土瓜灣舊區鐵路便當地道台式口味 3款配菜期期轉換主食足料
【野餐隨行】元朗11款人氣名物瀑布蛋治有咩特別?大棠燒烤場變草地野餐場
深入皇后山邨直通布格仔路軍營 歷史古建築印度廟唔再神秘?
近電車總站!筲箕灣$30大大碟燒味飯 燒鴨燒肉件件皮脆肉嫩
【中秋好去處2022】灣仔藍屋重現大澳花燈節!手工五彩燈籠毗連景星街舊式T形街牌
素食Buffet有外帶!無肉食自助餐仍供應任夾外賣飯盒 全港5間分店抵過堂食低至$50