2021-01-27

西環鐘聲泳棚 未必排隊先影到靚相嘅……

西環泳棚 未必排隊先影到靚相嘅......


    西環鐘聲泳棚係60s至70s人游水嘅地方,長木橋、竹棚、綠色鐵皮小屋模式好簡陋嘅更衣室,但就無救生員,落水真係要小心。

    直到而家都仲有啲上咗年紀嘅人落水游,不過更多嘅係排隊打卡嘅後生仔女。

    事實上西環泳棚有大海、長橋、日落,拍拖嚟又真係幾好影嘅,條長木橋其實係用嚟落水,但而家變咗用嚟打卡。

    其實企呢啲地方影相都幾牙煙,一個浪打埋嚟就唔見兩個人,為咗打卡,咁危險真係唔係好值得。

    小編表示一來唔想排隊影相,二來覺得太危險,所以只係喺上面影落去就夠。

    地址﹕摩星嶺域多利道

    交通﹕
    1. 中環碼頭>搭54號小巴>經堅尼地城>西環泳棚落車
    2. 搭5號城巴>西環廢物轉運站落車>沿斜路行>會見到西環泳棚入口>沿著綠色欄杆行樓梯落山>直通西環泳棚
    3. 堅尼地城站C出口>沿海邊行到廢物轉運站>直接沿斜路行>會見到西環泳棚入口>沿著綠色欄杆行樓梯落山>直通西環泳棚

    E.A.Tips﹕天氣涼記得帶多件褸,近海有風

    延伸閱讀﹕西環碼頭貨櫃打卡 跑步散步一流

    延伸閱讀﹕文青感滿滿! 西環小公園水管打卡 神還原叮噹/多啦A夢場景

    Please Like & Follow & Subscribe /
    歡迎讚好、追蹤、訂閱