話明黑布小巷，當然係位處旺角黑布街啦，上年10月先開張嘅小店，主打台式小食同茶飲，特別係台式肉蛋吐司同三色圓，仲有各類養生茶都係值得試嘅茶飲，最啱熱辣辣嘅夏天飲用。
小店有好多養生茶可供選擇，菊花杞子苦瓜茶 $28 係其中之一，包含貢菊、甜菊葉、杞子、苦瓜乾，可以清肝明目、改善黑眼圈，適合熬夜人士、眼乾、長期使用電話同電腦嘅人。
冷泡養生茶一般以台灣茶葉低溫沖泡8hours，無添加防腐劑之餘，亦無糖，好健康。茶底更甘香，無咗陣苦澀味，順滑易入口，夏天拍拖行街容易口渴，兩個人每人買返支的確超解渴。
小店雖然位處冷巷，但衛生環境不俗，有少量堂食位置，亦可以叫外賣，不過疫症期間都係建議盡量外賣啦！
交通﹕由登打士街行過去，腳程5分鐘內。
黑布小巷
| 地址﹕ | 旺角黑布街104號地下D號舖 |
| 營業時間﹕ | 11:30 – 23:30 |
| 電話﹕ | 9228 7113 |
在〈旺角黑布街冷泡養生茶 健康無糖夏天極解渴〉中有 1 則留言
留言功能已關閉。