對大自然有興趣嘅你，識去一定要去嘉道理農場暨植物園，拍拖去園內散步超疏乎。
位置近大帽山北坡、山麓，成個農場外面被山林環抱，入面又有山谷清溪、菜園、梯田農圃，似足一個大型農莊，仲有保育同教育設施，適合喜愛田園生活嘅朋友。
入到去點行？入面上山區有9條生態徑，例如喬木徑、蝴蝶徑、果園徑等等，逐個去尋幽探秘都唔錯吖！
睇動物、昆蟲嘅話，可以去下山區睇農舍、動物館，有蝴蝶、野豬、黑耳鳶、鸚鵡、貓頭鷹等，仲有離農場接待處高552公尺嘅觀音山頂，不過就要行2hrs，比較花時間同體力。
睇到新界同對面深圳蛇口， 睇植物可以去蘭花保育園、蕨類植物小徑及修女花園、森林果園、生機園，睇動物可以去鸚鵡護理中心、猛禽之家、昆蟲館、蝴蝶園、淡水生物屋、兩棲及爬行動物屋、野豬之家。
兩個人睇風景可以去龍亭及小瀑布、觀音山頂峰。
地址﹕新界大埔林錦公路
開放時間﹕09:30 – 17:00（最後入園時間16:00）
電話﹕2483 7200
入場費﹕每位$30（12歲以下兒童、60歲以上長者、殘障人士、慈善團體、學校免費）
交通﹕大埔墟站/錦上路站>轉乘64K號巴士>嘉道理農場落車
自駕可先申請於園內駕駛
E.A.Tips﹕入面有小食亭賣三文治、飛碟、沙律、咖啡等，主要係小食同飲品，最好自己帶定食物飲品。
延伸閱讀﹕大埔鐵路博物館 懷舊火車打卡一流
延伸閱讀﹕大埔林村神秘溫室綠色空間打卡 異國植物小花園渡假風滿滿
在〈嘉道理農場暨植物園睇太陽花 一嚐短暫田園生活〉中有 2 則留言
留言功能已關閉。