太安樓起家！筲箕灣東大街人氣雪糕班戟 暖笠笠法式甜品配涼浸浸雪糕球 歎埋消暑雪頂茶飲啖啖舔舔脷
【#冷熱班戟】港島平價小食區嚟講，除咗西灣河太安樓，就係筲箕灣東大街，云云街頭美食匯集於小區內，當中東大街旁邊就有一間人氣甜品小店，即使店內有唔同款式甜品、小食，單靠一款已經俘虜唔少拍拖情侶甜品迷，小店將一款暖笠笠法式甜品配搭冰涼雪糕，再以班戟皮包裹，即管實試冰火交融嘅感覺，可以為夏天消消暑，不妨兩個人去探索吓。
【野餐隨行】油麻地一級歷史建築鬧市空中花園野餐 神秘台式廚師發辦$100有找！
【#台式Omakase】油麻地與旺角食店眾多，但野餐點極罕見，如果你拍拖兩個人步行到鬧市，因堂食遇過不快事件而唔想堂食用餐，可能只諗到路邊小公園用餐，今次編輯就帶大家去一個鬧市都能夠野餐嘅地方，儼如空中花園，加上一間神秘小店炮製嘅台式便當，而Omakase向來都係出現喺日本菜當中，估唔到食台灣菜都會遇上。
【野餐隨行】石硤尾池畔叢林小餐廳歎日式超靚便當 街角文具店兼賣醉雞麻醬蕎麥麵
【#池畔叢林餐廳】要搵一間好餐廳唔容易，如果要求嘅係池畔、叢林、無人打擾，加上日式美食，應該三至四位數字走唔甩，行到邊食到邊係我哋宗旨，今次編輯就帶大家去一個同時符合呢個項要求嘅地方用餐，不單可對住叢林用餐，而且靠近池邊，兼且少見人群，加上預先於同區購得嘅靚靚日式便當，原來呢個地方只係一個普通市區公園？
大角嘴低調泰菜泰國人主理？海南雞飯分成3款任你揀 奶白色泰北冬蔭功香辣味十足
【#低調泰菜】講到寂寂無聞，E.A.Two一定榜上有名，名氣往往同時運、金錢有關係。而大角嘴滿佈豪宅、舊樓，附近食店林立，係醫肚勝地，而呢間街邊小店亦屬藉藉無名嘅泰國菜小店，據悉老闆娘為泰國人，其女兒亦於店內幫忙，所炮製嘅正宗泰國菜亦係拍拖情侶嘅好選擇！
大角嘴迷你威尼斯西餐廳Risotto出色 中西合璧加臘味賣Fusion？
【#與麥記同價】大角嘴係一個隱藏小區，真小店眾多，美食應有盡有，當中一個商場就雲集多間食店，每間都係值得拍拖兩個人一試再試嘅餐廳。當你以為呢啲商場微舖唔會有西餐廳嘅時候，編輯又可以話你知，商場側小街道都有一間隱藏版西餐廳，價錢等同一份現時香港麥記快餐嘅水平，但同等價錢就已經可以享用一份西餐。
【野餐隨行】小西灣角落港式下午茶 鬆軟夾餅拼金黃雞蛋仔粒粒飽滿
【#港式小食】小西灣離柴灣有一小段距離，恍如自成一角，但區內食店唔多，就只有寥寥幾間，除咗西式嘅日常小館之外，重有一間家庭式嘅港式小食店，可以拍拖兩個人到海旁角落自製一個港式下午茶，當中雞蛋仔、格仔餅水準不俗。
【野餐隨行】長洲歎人氣沙嗲牛米通 堤邊樹蔭全海景野餐 甜品有炸芒果糯米糍！
【#人氣米通】長洲食店有好多，編輯都曾經講過好幾間小店，當中有一間躲藏於熟食中心內嘅茶餐廳模式地道大排檔就係人氣之選，唔少人甚至一落船就會拍拖兩個人前往朝聖，只不過我哋一直未有去過，到底呢間食店係咩葫蘆賣咩藥？
採環保餐盒+餐具！土瓜灣舊區鐵路便當地道台式口味 3款配菜期期轉換主食足料
【#台式鐵路便當】土瓜灣早前開始清拆，現時行過區內會發現多條街道已經消失得無影無蹤，如果要搵食，可能要稍移玉步到近馬頭圍或紅磡方向，近馬頭圍方向有一間以台式便當為主嘅小店，由環保嘅便當盒到餐具都睇得出係尊重外賣人士，便當食物滿滿台式風味，恍如台灣旅行品嚐到嘅一樣，值得拍拖兩個人去一試再試。
【野餐隨行】元朗11款人氣名物瀑布蛋治有咩特別？大棠燒烤場變草地野餐場
【#滑蛋多士】上大棠唔一定只係得楓香林，亦可以靜靜哋野餐，可以連接行山路線，亦會見證燒烤場頓變草地場嘅畫面。元朗國美食眾多，要野餐最方便嘅選擇當然係三文治、多士，當中有一間躲藏小街道內嘅小食店，一瞬間因為「瀑布蛋治」而變成區內人氣店，另有由Twinings茶葉炮製嘅奶茶，不過拍拖兩個人去買份午餐，隨時要等候20至45分鐘，到底係咪真係值得呢？
青馬橋底睇日落！青衣西草灣賞景打卡秘地 細山步行徑近三支香談心好地方
【#青衣秘地】想輕輕鬆鬆拍拖影吓相、睇日落，又嫌地方太多人？其實香港重有好多靚景而人少嘅地方，今次編輯帶大家去青馬大橋底，既可以影石灘日景，亦可以近距離影青馬大橋，更可以影橋底日落景、晚霞景，夜幕低垂甚至可以影吓夜景，日夜景皆宜，加上位置只有少數釣魚客，環境恬靜悠然，有時間更可以行吓市區小山，嚐試吓僅屬於兩個人嘅一日遊。
【意大利偽旅行】穿越「東方威尼斯」 感受香港水鄉小島風情 兩大賞景地眺黃昏夕陽
【#意大利偽旅行】威尼斯向來係意大利東北面一個海上小島，由運河分隔，出入需要坐船，環境優美，著重建築藝術，而威尼斯城則位處潟湖淺灘；香港位於世界東面，而位於香港大嶼山西面嘅大澳，亦素有「東方威尼斯」之稱，不過目前就同陸路完全相連，係本土聞名嘅小漁村，係拍拖兩個人去拍攝偽旅行照片嘅好地方。
入場有限制！大埔慈山寺偽旅行驚現仿日本神社御手洗 必睇全球第2高巨型純白觀音像
【#大埔偽旅行】提到大埔大美督，大多數人只會諗到踩單車入水壩，而最近龍尾灘開放，縱然灘上出現海膽，仍吸引唔少人慕名而至，以至龍尾灘附近更擁擠，但其實大埔汀角路重有其他免費地方值得拍拖兩個人遊覽，當中山上就有一座以修行為主嘅寺院，毋須攀山涉水，不單融合中日式設計，更有高聳入雲觀音像，入面亦遍佈影相位，甚至神還原日本神社御手洗！
瞰鋼線灣景色！穿梭山頂至薄扶林水塘尋港版《千與千尋》場景 新哥德式風格大學堂/伯大尼教堂打卡 薄扶林村都有秘地？
【#樹蔭小徑】連接太平山山頂有幾條路線，除咗纜車小徑，薄扶林家樂徑亦係其中之一，但夏日炎炎，由山腳或山腰向山頂進發係比較疲憊，編輯建議逆線而走，由山頂折返薄扶林，路段林蔭眾多，落山輕鬆易行，適合拍拖情侶散步，30分鐘可以走完薄扶林水塘道，亦可兩個人探索水塘秘道，再走訪歷史建築。
「東方威尼斯」水鄉小島賞無遮擋醉人日落 大澳珍珠形寶珠潭藏海星紅蟹仔 迆遊虎山浪漫紅木橋打卡
【#大叔的愛取景地】大澳向來充滿水鄉感，漁村棚屋滿佈，除咗虎山同市中心，有咩地方好行？的確大澳虎山紅木橋配搭黃昏日落景絕對係影相位，觀景台簡單易行，編輯甚至聽到高跟鞋聲添！
勇闖港版吳哥窟尋大潭廢堡「天空之城」 20分鐘輕鬆折返赤柱沙灘
【#港版吳哥窟】疫情陰霾籠罩下，香港人未能出外旅行，令本地遊成為熱潮，唔少人幻想力變得豐富，一個又一個香港景點搖身一變成為偽國外景點，今次編輯亦前往赤柱大潭，位置係李小龍經典電影拍攝場地，可從此秘地找尋當中嘅「港版吳哥窟」，荒野堡壘隱藏於石灘背後，有如「天空之城」！
上水安圃村季夏搶眼小黃菊花海 原野羊群恍如港版清境農場 直闖日式藤原豆腐店打卡兼遊新田魚塘觀鳥睇日落【2021賞花地圖】
【#爆菊花田】唔係「爆菊花田」，係「爆菊．花田」。最近改篇自日本作品嘅本地劇集《大叔的愛》風靡一眾觀眾同網民，就連傳統幾百部電視機計算出嚟嘅收視率都節節上升，恍惚愈來愈多人鍾意食「菊花黃瓜飯」（有BL之意），電視機有爆紅嘅菊花之戀，現實中大家一樣可以喺香港搵到一大片「爆菊」花海，今次編輯就帶大家找尋呢片爆紅菊花啦！
西貢小黃屋前身係村校 1小時遊客家小島鹽田梓？ 15分鐘船程訪碩果僅存曬鹽場
【#10分鐘船程】踏入初夏，氣溫上升，汗流浹背嘅行山路線理應需要減少，隨之而來嘅係小島遊覽同海上活動，而西貢就有多條路線通往多個小島，船程只需15分鐘嘅客家小島鹽田梓就係其中之一。相對長洲、南丫島，鹽田梓人流比較少，可以到訪全港碩果僅存嘅曬鹽場、教友村，有指鹽田梓係可以極速走完一圈嘅小島，今次編輯實試由每日最後一班船次出發，睇睇網上資訊係咪真係咁準確？
港版夏威夷！ 大嶼山長沙下村3公里長外國風沙灘 天然海岸線海天一色 絕美沙灘賞鑽石粉紅夕陽
【#港版夏威夷】大嶼山內有唔少沙灘，而東涌至昂坪之間就有一個神秘沙灘，全長有3公里，係全港最長嘅海灘。沙灘景色超有異國風，沙灘海岸線明顯，放眼海天一色，蔚藍天空配湛藍大海，加上黃昏時嘅鑽石粉紅夕陽，整個場面恍惚一秒穿越夏威夷或泰國布吉，週末拍拖兩個人遊覽吓都幾浪漫㗎！