V.W Vegan Cafe + 暢和麵家 + refresh! +元州仔公園

【野餐隨行】大埔商場便攜素食便當/一口雲吞蝦籽麵 元洲仔全海景公園Chill住歎咖啡

提到大埔野餐地,唔少人第一時間都會諗起大埔海濱公園,但事實上大埔海濱公園重有一個小公園,空間相對小,人流亦較少,但多數地方都能夠正對全海景觀,係拍拖兩個人更優質嘅野餐地。今次編輯就於大埔市中心帶同3間餐廳嘅食物、飲品到大埔元州仔公園用餐,包括素食便當、人氣蝦籽麵,以及比較鮮為人知嘅咖啡店,3間位置相近,相當方便。

若然你係有留意eatwo文章嘅話,應該會記得大埔元洲仔呢個地方,位置離林村河河口不遠,毗連大埔海濱公園,只係河堤之上嘅小島,目前海陸相連,內有直昇機停機坪、紅樹林,亦有早就被列為法定古蹟嘅前政務司官邸,目前演變為元洲仔自然環境保護研究中心,為世界自然基金會香港分會管理嘅地方,用作推廣環保教育活動。而元洲仔公園就係小島入口,係一個康文署正式公園,基本上就係一個普通香港地嘅小公園,內有基本設施,而公園長廊都可享全海景緻,坐低野餐時都可以特別Chill。

第一間係來自寶湖花園商場嘅全素食餐廳「V.W Vegan Cafe」,室內乾花、木系、黑板,手工肥皂、咖啡豆等小物都令人感覺係一間賣偽文青風嘅純素咖啡店,一端有大面玻璃窗,正對商場二樓,不過其實只係望到出面條路,都真係無乜景觀,玻璃窗反而變得多此一舉。由2020年開業至今,店內一直堅持初心賣素食,甚至以餃子、不可能豬柳漢堡聞名,Menu上嘅菜式以西式、日式為主,都為純素選擇,當中有日式大叔便當$88,英文就以日文寫明為Dessen Bento。講真,純素料理嘅價錢其實有啲貴,編輯估計係賣外觀嘅食店,外賣始終係輸蝕。

便當中都算係少鹽、少油,屬健康選擇,內有麵豉湯、枝豆、關東煮、椰菜花甘筍絲粟米粒蛋餅飯。麵豉湯內有海帶、豆腐,但編輯遇上意外倒瀉咗,只呷一口覺得偏鹹,但都算正常水平,枝豆作前菜都算簡單。白飯份量適中,選用珍珠米,入口煙韌,頂端放上一塊蛋餅,以椰菜花、甘筍絲、粟米粒等煎成,無乜特別,如果要形容,就係正常家庭式水準。至於關東煮就比較突出,湯僅佔三份一至一半,配料充足,內有大根、甘荀、豆腐、海帶結、芋絲、豆卜,湯底清甜,食材能夠吸收湯汁精華,當中大根、豆卜最入味,芋絲亦爽口。

第二間係隱藏於小商場內、大受歡迎嘅人氣蝦籽麵店「暢和麵家」,舊店「和暢」早年已結業,目前呢間係一間由年輕人近年創立嘅食店,雲吞麵、醉雞都係招牌選擇,雲吞蝦籽撈麵$36 就加上幾隻雲吞嘅蝦籽撈麵,呢個價錢都真係好經濟實惠。以前雲吞麵又叫「細蓉」,主要係勞動人士享用嘅下午茶,用作補充體力。「暢和」嘅雲吞比坊間雲吞麵舖細小,餡料就只有指頭般大細,豬肉味重,餡料結實,雲吞皮偏薄,狀似金魚擺尾,基本上係屬於「一口雲吞」,而傳統又的確係一啖一粒雲吞先係正宗。麵條偏幼,就典型雲吞麵舖嘅廣東幼麵,麵條鹼水味唔算重,竹昇麵經竹昇壓製,入口爽口彈牙,麵條微脆,質感係機製唔能夠取代嘅地方。

而撈麵同湯麵分別在於湯另上,若然編輯無記錯,以前傳統麵店嘅撈麵無湯汁,但後來嗰陣有客人反映無湯唔抵食,結果以後啲麵店賣撈麵時,都會另上一碗湯。而呢間麵店嘅湯底係大地魚湯,湯底芳香,大地魚獨有鮮香味的確一飲就清楚,馬上會發現就係傳統麵檔嘅味道。更特別之處係蝦籽撈麵,一份撈麵有大量蝦籽,而蝦籽由自家炒製,非常香口,蝦籽撒於麵條之上,粒粒乾身而鬆散,帶有鹹香,每條麵條都有蝦籽鮮香味,但若然大量吸入都會濁親。

第三間則位處街市、商場對面嘅咖啡店「refresh!」,分類寫澳洲菜,主打都係茶飲、朱古力、奶昔、果汁、咖啡,小食有牛角包、三文治、風車包、意大利包、鬆餅或多士。今次就挑選一杯海鹽焦糖鮮奶咖啡,熱飲$38、凍飲$42至$46,咖啡無少冰嘅情況下,冰度唔高,唔會有太多冰溝淡本身咖啡味,鮮奶咖啡混有海鹽、焦糖,海鹽較重,焦糖較少,咖啡味濃,略有層次,入口似烘焙過嘅咖啡豆。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 元洲仔公園離寶湖花園約15至20分鐘步程,喺大埔海濱公園對面。

❷ V.W Vegan Cafe 平日優惠加$25可配飲品,繁忙時間用餐時間90分鐘,Lingduck外賣平啲。

❸ 暢和麵家外賣加$1,更有人手製辣椒油可供售賣。

❹ refresh! 可自己帶杯,奶類可轉脫脂奶$4或燕麥奶$6,食物加飲品減$6。

EATWO
Miss A

元洲仔公園

大埔大埔公路元洲仔段
24hours
3183 9049

V.W Vegan Cafe

大埔寶湖道3號寶湖花園商場2樓227F-06號舖
星期一11:30 – 16:30;
星期二11:30 – 18:00;
星期三至四11:30 – 20:30;
星期五至日11:30 – 21:00;
公眾假期11:30 – 21:00
5466 9854

暢和麵家

大埔寶湖道3號寶湖花園商場二樓222B號舖
星期一全日休息;
星期二至日12:00 – 18:00
3489 8059

refresh!

大埔同秀坊15號後座C號舖
星期一至二07:00 – 18:00;
星期三全日休息;
星期四至日07:00 – 18:00;
公眾假期07:00 – 18:00;
公眾假期前夕07:00 – 18:00
6901 6729

醫吓肚

加藤屋只剩3分店!日式快餐牛肉飯/壽喜燒經營8年 荃灣店結業通知疑透視全線結業?

【#結業通知】加藤屋開業至今達8年,一直為港人提供日式快餐服務,牛肉飯及壽喜燒都係性價比高嘅選擇,平價又有水準。但加藤屋分店愈來愈少,近日連荃灣路德圍店亦宣佈無奈結業,據店內外張貼「結業通知」顯示,荃灣店於2024年2月25日結業,而通知亦疑似透露全線結業。目前分店只剩低3間,想要拍拖兩個人俾最後一分支持,就要趁呢段時間啦!

頂好大光麵 香港茶餐廳美食 香港小店 大光麵茶餐廳名單 光身麵 頂好大光麵銷售點

【區區有小店2024】編輯精選全港11間選用頂好大光麵餐廳!香港製造茶餐廳舊名物瞬間竄紅|附地址名單

【#香港製造】最近分析本地茶餐廳文化嘅電視台ViuTV節目《茶餐廳》重新介紹香港茶餐廳舊有名物「頂好大光麵」,令「頂好大光麵」突然獲帶挈瞬速竄紅,連帶「香港製造」亦獲得關注。想要拍拖兩個人搵吓目前有「頂好大光麵」提供嘅餐廳?雖然官方有公佈全港選用「頂好大光麵」嘅餐廳,但編輯精選推介嘅本地餐廳就只有以下10間,即睇港九新界「頂好大光麵」餐廳一覽!

【情人節2024】2.14約會實用指南!浪漫情人節餐廳/大餐食材/小禮物/靚靚花束良心推介!

【情人節2024】2.14約會實用指南!浪漫情人節餐廳/大餐食材/小禮物/靚靚花束良心推介!

【#情人節推介】2024年情人節即將來臨,大家拍拖兩個人有咩節目呢?男士們必然忙於搵餐廳、搵食材、搵鮮花、搵禮物;新生代嘅女士們亦有可能化被動為主動﹐為另一半製造驚喜。今次E.A.Two編輯就特別為大家整合2024年情人節推介良心合集,雖然今年提供情人節嘅餐廳及商店唔多,但總算依然可以搜羅得到,即刻睇睇啱你心水嘅小店!

咯咯雞韓食店信譽推薦!2024年全新阿美車仔麵接手炸物可見一斑 出色手打鯪魚肉/秘製牛腩/滷水雞翼

【#全新開業】近年結業潮湧現下,好多餐廳都無奈結業,香港有新餐廳開張嘅情境已經少之又少,想拍拖兩個人搵新餐廳都唔容易。以「咯咯雞 韓食店」為例,該店本來於尖沙嘴、大角嘴都有分店,由外賣做到堂食,結後者今年1月初亦忍唔住結業。不過,該店就推薦接手嘅車仔麵店,或者呢啲位置做街坊平價選擇先有機會有出路。

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}

在〈【野餐隨行】大埔商場便攜素食便當/一口雲吞蝦籽麵 元洲仔全海景公園Chill住歎咖啡〉中有 1 則留言

留言功能已關閉。