碼頭皇冠郵筒起步!長洲家樂徑滿佈野生仙人掌 輕鬆遊鯆魚灣白鰽灣小沙灘探索五行石張保仔洞 東灣泳灘旁石刻被封鎖?

碼頭皇冠郵筒起步!長洲家樂徑滿佈野生仙人掌 輕鬆遊鯆魚灣白鰽灣小沙灘探索五行石張保仔洞 東灣泳灘旁石刻被封鎖?

長洲一日遊有好多選擇,你又會選擇邊條路線作拍拖兩個人遊覽呢?今次編輯向張保仔洞延伸路線,縱然張保仔洞係眾所週知嘅長洲景點,但洞穴附近嘅延伸路線就唔係咁多人會選擇,而事實上路線都屬於長洲家樂徑,沿途一直遍佈野生仙人掌,畫面唯美,睇奇石之餘亦可以找尋仙人掌影吓相。另外,長洲東灣泳灘旁邊躲藏一個法定古蹟,但唯一路口竟然被封鎖,禁止進入,到底係咩原因呢?

由長洲碼頭嘅皇冠郵筒起步,你會發現一個圓柱形嘅皇冠郵筒位置位正對碼頭,靠近連鎖快餐店同服裝店,只不過郵筒周圍佈滿單車,一架又一架單車停泊於郵筒隔離,編輯見到此情境嘅時候都真係幾無言,似乎好多人都已經唔太理會殖民時代嘅產物,到底我哋重做唔做皇冠郵筒專題好(已經做咗大半,做完都無人會理)?

今次碼頭對面、編號66號嘅皇冠郵筒,係一個典型鑄鐵郵箱,中央刻有「ERII」,代表住「英女皇」伊利沙伯二世,即係伊利沙伯二世年代鑄造,而背後則隱約可以見到刻有製造商名稱「Carron Company, Stirlingshire」,意指係一個英國製造嘅郵筒。

講到長洲歷史,其實長洲都係屬於英屬香港嘅一部份,因為清朝同英國訂立《展拓香港界址專條》,清廷當年將新界連同200幾個離島租借俾英國,歷時99年,故此長洲係同界限街以北同樣屬於租借地,英國更容許長洲島民有居民代表選舉。而二戰、日治時期,長洲一度落入日軍手中,

向長洲家樂徑方向前行,依循海旁一直行到底,到達西灣碼頭時,可見海面風平浪靜,恍似天然避風港,就會見到步行上張保仔洞嘅西園入口。長洲本身係香港最人煙稠密嘅島嶼,今次走嘅路線係長洲西南面一隅,張保仔洞就係長洲島內最出名嘅名勝,相傳清朝時候,廣東有一群海盜將寶物收藏於山洞內,而香港後來亦出現多個張保仔洞,當中以長洲張保仔洞最出名,入口處位處海旁,正對石鼓洲、北長洲海峽,亦可眺望大浪灣、澄碧邨。

步行至張保仔洞,其實洞穴內只係一小道隧道,有指長約88米,編輯覺得進入係無乜特別意思,故此無打算進入,記得洞穴內只係好短路程,樓梯右邊係入口,樓梯左邊就可以出返嚟。反而,張保仔洞延伸嘅路線先係值得推介,長洲家樂徑兩端入口有一個舊式路牌寫有「此路不能通往五行石」,但有行山客刪去「不」字,證明「此路能通往五行石」,編輯實證之前就行咗至少兩次,的確係一道尚算輕鬆嘅路線。

從張保仔洞旁邊樓梯下行,穿過石塊,5分鐘步程就會見到五行石,基本上都係依循瀝青樓梯走,但又唔屬於長洲家樂徑範圍。不過,到達五行石之後,又變返長洲家樂徑範圍。長洲奇石有好多,包含花瓶石、鰻魚石、坦克石、人頭石、龍王石等,怪石嶙峋都係由於海邊石頭被海水侵蝕,故此南面一帶又叫做長洲趣石林。大多數長洲奇石都分佈於長洲東南面,唯獨五行石處於西南面,而五行石嘅意思即係有五舊大小不同嘅石塊,五行石高約5米,近海嘅一塊山崖邊緣嘅大石更有搖搖欲墜嘅感覺,幾舊石中間甚至都可以穿過,恍如遊走巨石陣,

經過五行石,一直沿長洲家樂徑走,波幅唔大,多平坦路段,你就會發現沿途遍佈野生仙人掌,不單生長於路邊,而且連岸邊石頭上都有仙人掌,到底真係野生定有人種植呢?連綿仙人掌畫面相當唯美,而且甚為罕見,五行石附近嘅野生仙人掌最茂密,如果有緣更可以見到黃色仙人掌花,沿岸邊仙人掌路走,海邊風光令人心曠神怡。

中途會分別見到兩個小沙灘,雖然唔係康文署正式泳灘,沙灘並非落水好地方,但環境不俗,第一個見到嘅係鯆魚灣,最後就會見到白鰽灣,前者相對會比較乾淨,後者垃圾較多。鯆魚灣係張保仔洞至五行石之間嘅小沙灘,離五行石只係約15分鐘步程,之後再走5至10分鐘,就會到達白鰽灣,小沙灘水質雖然不俗,但水比較深,沙粒亦極為粗糙。經過白鰽灣之後,繼續走長洲家樂徑,大概10分鐘步程,就可以沿路返回剛才西園起點。

除咗張保仔洞,其實長洲石刻都係當中名勝古蹟,石刻毗連東灣泳灘,亦靠近觀音灣,係香港法定古蹟。據資料顯示,長洲石刻歷史可以追塑至3000年前,而直到70年代先發現出土文物為石刻,故被考古學家推斷為一塊史前石刻。長洲石刻有指可祈求風平浪靜,但事實係點就不得而知啦。

最令人難以置信嘅係,法定古蹟係容許一般人參觀,長洲石刻由70年代被地質學家發現,雖然係法定古蹟,但主要入口通道就被封鎖,未能進入,故此正常人係無法登上石刻位置。從一角可以食稀觀察石刻紋飾,同平常其他香港石刻基本相似,部份線條貌似被風化,但都見到係類似青銅器嘅紋式,故此亦有估計係14世紀以前刻鑿,只係年代久遠難以確認。

而長洲石刻旁邊為長洲華威酒店,皆因石刻係位處酒店之下山坡,石刻旁邊有一個閘門,同樣被鎖上,估計係通往酒店。我哋好明白此舉係避免遊人隨意進入酒店範圍,只不過,關下面樓梯咩事?點解要封鎖通往長洲石刻唯一嘅道路?

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 由中環5號碼頭乘搭渡輪到長洲,船程約30分鐘是1小時。

❷ 記得帶備充足水或飲品,或喺張保仔洞牌坊前先補給,部份路段需要上落,非完全平路,需一定體力。

❸ 勿大聲喧嘩、亂拋垃圾同吸煙,保持安靜兼保持環境清潔。

❹ 若經過懸崖邊時,需要特別小心。

❺ 如果要詳細睇奇石,可以分幾次行,一次未必可以行得完,而且部份可能特別需要體力。

❻ 愛護植物,千祈唔好採摘野生仙人掌呀!

❼ 長洲東灣泳灘係全島唯一康文署正式泳灘,內有更衣室、淋浴設備、洗手間,以及救生員當值。而救生員當值時間為星期一至五09:00-18:00、星期六日及公眾假期08:00-19:00。

❽ 家樂徑旁邊有仙人掌,絕對要小心被桔到。

❾ 長洲家樂徑中途係無補給,可於西灣碼頭附近或市中心先作補給。

❿ 記住保持環境清潔,自己垃圾自己帶走,絕對唔可以破壞大自然環境。

⓫ 五行石懸崖旁邊絕對要小心安全,唔好橫越。

EATWO
Miss A

鯆魚灣

長洲鯆魚灣,靠近張保仔洞

白鰽灣

長洲新興街105號

長洲東灣泳灘

長洲東堤路

2981 8389 / 2852 3220

長洲石刻

長洲東南部

五行石

長洲西端