兩個人醫吓肚,  和你Taste,  東南亞菜

旺角$48越南版海南雞飯 同價海量湯粉似足二人份量

瀏覽次數: 32
個人瀏覽過





旺角女人街有唔少美食,菜式各有不同,一條街道內有唔少絢麗招牌,當中有一間越南菜館開業有近50年,一直屹立街道內,維持街坊價之餘,水準都算不俗,值得拍拖兩個人去食。平常泰式同新加坡海南雞飯食得多,越式海南雞飯你又試過未?

越南曾經係法國殖民地,故此越南料理亦受到法國菜嘅影響,比如係法式牛柳粒炒紅飯,店內主要菜式重有生熟牛肉湯粉、牛油雞翼、原隻鮮魷焗飯、香茅豬扒飯等。室內雖然狀似茶餐廳,但都算正常企理,喺通脹嘅時候,餐牌內嘅菜式都仍然係街坊價錢,直到2022年,一份午餐或晚餐$50有找,更有飲品附送,50年老字號嘅小店,仍然屹立不倒,今年同一條街道內更開設姊妹店麵賜園,賣台灣牛肉麵。

越式海南雞飯$48 同平常泰國或新加坡嘅海南雞飯最大分別黃非醬汁另上,而係蔥油等越式配料直接與雞肉二合為一。白切雞加上蔥油、薑蓉模樣,配搭有椰香嘅黃薑飯。雞肉基本份量唔算太多,雞肉偏薄,但對於未食過越南版海南雞飯嘅編輯嚟講,係有啲新鮮感。除咗蔥油,配料多為洋蔥、芽菜,亦似平常越南粉會有嘅檸檬草、青檸、馬蜂柑葉,雞皮表面再灑上芝麻,美觀之餘亦略帶陣陣芝麻香。

豬頸肉湯粉$48 內有份量極多嘅檬粉,堆疊得似一座山,比坊間多咗成倍,但唔會太碎,粉量多得足以兩個人食用,而豬頸肉則適中,豬肉醃製過,肉質軟腍,有肉汁而唔會乾柴同韌,脂肪唔多,表皮烤得焦脆,有啲似炭火烤過,火喉烤得剛好,無燶邊,幾香口。湯底貌似牛肉湯粉嘅湯頭,湯汁有魚露,整體鮮甜,分別在於唔係加青檸、辣椒,配料亦有少量芽菜、蔥花、洋蔥等,湯汁入口重有幾分燒鵝味道,或者係因為將烤過嘅豬頸肉放置湯粉頂端一陣間?

配搭越南菜嘅飲品,最簡單就係鹹檸七,另一杯青檸梳打出錯變鹹檸梳打,鹹檸檬與七喜汽水相撞,鹹味與甜味嘅火花係最合適,順氣又清爽,旺角鬧市內都算有個本土小寶地。




E.A.Tips﹕

❶ 午市套餐會比較抵食。

❷ 外賣都一樣會配飲品。

❸ 店內需要俾Cash。


越興園越南菜館

  • 旺角通菜街31號地舖
  • 11:00 – 22:30
  • 2332 9872

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


中環鬧市3條街有6個T形街牌 1幢建築物有4個街牌通通近蘭桂坊?
驚現外賣版Omakase?上水超抵食日式定食店款款外賣限定 專用碗放有蝦茶碗蒸便攜又「靚仔」
老闆娘係姜糖?大角嘴全新兩餸飯店有驚喜 近30款餸任揀三餸飯僅$37!
深水埗黃竹街2間小食店僅幾步之遙 即試黑椒牛漢堡Crossover和牛牛丸
重陽去拜山!上水出發經沙嶺公墓直闖麥景陶碉堡 圓嶺仔一河之隔眺羅湖口岸
旺角鬧市3塊超古老T形街牌探究 快富街/黑布街/奶路臣街成區內碩果僅存舊街道
【野餐隨行】筲箕灣道2間餐廳毗連炸雞店電車站 直闖大浪灣泳灘沖浪勝地野餐
樓上咖啡店自選高水準五品料理!旺角西洋菜南街神秘角落點只賣咖啡綠茶
【野餐隨行】大埔商場便攜素食便當/一口雲吞蝦籽麵 元洲仔全海景公園Chill住歎咖啡
上水Homy Cafe 9月尾結業 咖哩雞扒香口惹味 上水千萬公廁旁小公園野餐
【野餐隨行】上水罨耷微舖小食醬汁乃精華所在 市中心野餐地有枱有櫈兼參觀豪華公廁?
太安樓起家!筲箕灣東大街人氣雪糕班戟 暖笠笠法式甜品配涼浸浸雪糕球 歎埋消暑雪頂茶飲啖啖舔舔脷
近大潭水塘!陽明山莊僅存殖民時代皇冠電話亭 紅噹噹包廂懷舊味濃
【野餐隨行】油麻地一級歷史建築鬧市空中花園野餐 神秘台式廚師發辦$100有找!
【野餐隨行】石硤尾池畔叢林小餐廳歎日式超靚便當 街角文具店兼賣醉雞麻醬蕎麥麵
大角嘴迷你威尼斯西餐廳Risotto出色 中西合璧加臘味賣Fusion?