2020-10-28
花斑茶社

新蒲崗茶飲本土味濃 厚鮮奶配抺茶勁甘香



香港人最愛人手一杯飲品,拍拖邊行邊飲是常識,以致茶飲店愈開愈多,市場幾乎飽和,就嚟可以媲美7-Eleven嘅梗有一間喺左近。不過,最近受武漢肺炎影響,兩個人戴住口罩邊行邊飲比較困難,唔少人都轉為外賣茶飲。呢間已經有唔少分店嘅台式茶飲店又係咩質素?

唔少香港人為咗杯黑糖珍珠奶茶,曾經排隊排足兩、三個鐘,但而家肺炎令唔少人減少外出,茶飲店排隊人流亦相繼減少。今次試試花斑茶社嘅新蒲崗分店,呢間茶飲店雖然係台式茶飲,喺2018年9月開業,由香港人主理,至今屹立不倒,選料基本都緊貼台灣,主打茶類飲品,以香濃茶底再配合黑糖珍奶,入口更香濃。

黑糖珍珠抺茶鮮奶 $32 黑糖最初端出時基本掛杯,但等陣就無咗掛杯感,紋路已經逐漸沉底。據悉厚鮮奶採用嘅係明治奶,奶香十足,的確係又厚又幼滑。而抺茶味亦好香濃,抺茶同黑糖大部份都沉喺杯底,所以建議飲用時要攪勻,避免過甜。飲到底抺茶味更重,但略嫌黑糖味未夠濃郁。

芝士奶蓋名間四季春 $26 ,天氣炎熱,但芝士奶蓋等10分鐘仍未完全溶化晒,芝士奶蓋迷一定要試!而香港有高質四季春嘅茶飲較少,四季春茶香較明顯,甘香茶味亦好解渴。

E.A.Tips﹕強烈建議叫少甜,正常甜的確好甜,會較飲得出茶味。

花斑茶社

新蒲崗崇齡街1-3號威信樓地下F舖
12:00 – 20:00
6436 6464

Please Like & Follow & Subscribe /
歡迎讚好、追蹤、訂閱