小重慶
中菜,  兩個人醫吓肚,  和你Taste

柴灣街坊風味酸辣粉現小重慶 分5種辣度微辣BB辣溫和易入口

瀏覽次數: 60
個人瀏覽過





一般嚟講,香港嘅四川菜食店大多唔係同路人,想拍拖兩個人去搵川辣口味嘅小食都唔容易,走過柴灣就發現一間以四川重慶風味為主打嘅小食店,以包括重慶小食,只為一間外賣店,到底應該做多幾款定集中一兩款會更好呢?

小店地方淺窄,開放式廚房含三份一至一半空間,外面只有企位,並無座位,但小食都係預先整定,只係粉麵先即時淥。招牌作都係重慶酸辣粉、重慶涼麵,另包含多款重慶小食,所有食物都可以任揀辛辣度,當中有大辣、中辣、小辣、微辣、BB辣,而微辣、BB辣都係辣度溫和,容易入口。

重慶酸辣粉$24/細、$28/大,湯底可選清湯、酸辣、麻辣,話明酸辣粉,當然應該揀酸辣,酸辣度適中,編輯喜好酸味重少少嘅酸辣,酸味比辣味明顯突出,酸酸辣辣,酸菜味尤其吸引,相當開胃,似乎係點睛之筆。配料有蔥、芫荽、花生、酸菜、豆卜、芽菜、韭菜,蔥、芫荽、豆卜較少,酸菜、花生、芽菜、韭菜較多,薯粉較平常粗少少,質感順滑,軟硬適中,但又欠缺煙韌感,薯粉、芽菜吸收酸辣湯更惹味。

相對於酸辣粉,重慶涼麵$26/細、$28/大 就比較遜色,配料有蔥、芫荽、肉絲,但無花生,麵底份量雖然多,但味道上就比較失望,雞肉絲只係寥寥幾條,欠缺小麵嗰種口感,麻辣唔太出色,略欠層次,辣油亦少,味道似普通辣椒油,撈完欠缺重慶小麵嘅感覺,但就係能夠飽肚嘅食物。

重慶抄手$15 係小食中最失望,只係勺一羹某種北方現成醬料,放置抄手表面,所以中央兩粒好辣、好鹹,而側邊幾粒唔均勻,而餃子只係小型Size,皮餡都唔出色,餃子、雲吞可能較好,講得出好味嘅人到底平時食開啲乜?有感覺係小店未知道點整紅油抄手,的確紅油唔太容易炮製,極力建議小店取消呢個選項,平常多個選項係好事,但而家多個選項係會影響整體觀感。

除咗有土匪雞翼,亦有秘製雞翼尖$25 其實即係蒜辣雞翼尖,略有蒜味,亦有辣椒味,但唔見蒜蓉,辣椒亦唔多,辛辣度唔太重。而尖椒皮蛋$25 就係編輯所揀嘅幾款小食中比較出色,賣相感覺好豐富,皮蛋份量充足,尖椒辣度適中,相對係比較惹味嘅。




E.A.Tips﹕

❶ 小店離柴灣公園只係3至5分鐘步程。

❷ 辛辣度全部都有得揀。

❸ 酸辣粉或涼麵加餸$6至$8。

❹ 紙包飲品或汽水都要加$3至$4。












小重慶

  • 柴灣柴灣道345號金源洋樓地下2號舖
  • 星期一至六12:00 – 22:00、星期日全日休息
  • 9140 3928

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


免加2蚊!太子親民居食屋靠近雷生春 日式料理丼飯套餐外賣抵過堂食
流浮山海鮮街酒家林立藏殖民時代皇冠郵筒 海味場旁眺后海灣日落觀60年歷史神秘建築物
【野餐隨行】九龍城人氣泰國菜皮蛋炸蝦餅x潮州粉麵上等牛坑腩 賈炳達道公園野餐大玩Crossover
西貢外賣限定英式炸魚薯條專門店 最高人氣係邊款小食?
經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象