好運燒臘飯店
兩個人醫吓肚,  和你Taste,  港式

近電車總站!筲箕灣$30大大碟燒味飯 燒鴨燒肉件件皮脆肉嫩

瀏覽次數: 35
個人瀏覽過





筲箕灣東大街向來係美食匯聚嘅地方,但其實選擇有限,而離東大街不遠、近電車總站就隱藏咗一間街坊燒臘店,現時2022年仍然有$38大大碟燒味飯,而且份量唔少,燒味當中以燒肉、燒鴨最高水準,如果拍拖兩個人要去買個飯盒醫吓肚,不妨揀吓呢啲選擇啦!(圖片為較早時拍攝)

店舖位處內街,雖然只係一間好細微嘅燒臘飯店,但多年來一直都堅持提供免費派飯服務,相當有善心,而平時每盒飯都只係成本價多少少,燒味單拼飯$38、燒味雙拼飯$38,另有雞髀飯、菜飯、三寶飯、四寶飯等,更有中式飯盒,至於單拼、雙拼飯則價格劃一。

挑選燒鴨、油雞、叉燒、燒肉,每一碟飯都配上兩條油菜,肉量均等,份量唔少,而飯量更多,另亦附上一碗中湯,都係典型紅蘿蔔湯,湯底鮮甜,都算足料,少咁啲肉湯味,就普通住家湯感覺。

油雞嘅醬油味唔太重,質感嫩滑,亦算鮮美,更難得係師傅識得將薑蓉淋喺側邊,可以按喜好蘸幾多,只係油雞味道上有不足,並非完美;叉燒就不過不失,肉質較瘦,肥肉較少,蜜汁味較輕盈,欠缺一啲油脂香。

當食到燒鴨、燒肉,先至知道呢間燒臘飯店的確好高質素,基本上於門口已經見到掛於玻璃背後嘅燒肉、燒鴨極吸引,油光充足,望落表皮香脆,似乎好新鮮。原來店舖後面的確係有工場,燒臘都係自家製作,當中燒鴨、燒肉燒得特別香口。燒鴨色澤亮麗,表皮唔太燶,皮肉之間油脂唔多,鴨皮偏薄,整體唔會油膩;燒肉皮脆肉嫩,表皮並非乾到柴皮,而豬肉本身都能夠留有肉汁,甚為難得。




E.A.Tips﹕

❶ 小店近電車總站,亦近戶外街市,離東大街僅1分鐘步程。

❷ 湯、汽水另加$2。

❸ 額外醬料、餐具加$1。

❹ 外賣燒鵝飯$40。












好運燒臘飯店

  • 筲箕灣金華街21號
  • 07:30 – 20:00
  • 2866 2618

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


中環鬧市3條街有6個T形街牌 1幢建築物有4個街牌通通近蘭桂坊?
驚現外賣版Omakase?上水超抵食日式定食店款款外賣限定 專用碗放有蝦茶碗蒸便攜又「靚仔」
老闆娘係姜糖?大角嘴全新兩餸飯店有驚喜 近30款餸任揀三餸飯僅$37!
深水埗黃竹街2間小食店僅幾步之遙 即試黑椒牛漢堡Crossover和牛牛丸
重陽去拜山!上水出發經沙嶺公墓直闖麥景陶碉堡 圓嶺仔一河之隔眺羅湖口岸
旺角鬧市3塊超古老T形街牌探究 快富街/黑布街/奶路臣街成區內碩果僅存舊街道
【野餐隨行】筲箕灣道2間餐廳毗連炸雞店電車站 直闖大浪灣泳灘沖浪勝地野餐
樓上咖啡店自選高水準五品料理!旺角西洋菜南街神秘角落點只賣咖啡綠茶
【野餐隨行】大埔商場便攜素食便當/一口雲吞蝦籽麵 元洲仔全海景公園Chill住歎咖啡
上水Homy Cafe 9月尾結業 咖哩雞扒香口惹味 上水千萬公廁旁小公園野餐
【野餐隨行】上水罨耷微舖小食醬汁乃精華所在 市中心野餐地有枱有櫈兼參觀豪華公廁?
太安樓起家!筲箕灣東大街人氣雪糕班戟 暖笠笠法式甜品配涼浸浸雪糕球 歎埋消暑雪頂茶飲啖啖舔舔脷
近大潭水塘!陽明山莊僅存殖民時代皇冠電話亭 紅噹噹包廂懷舊味濃
【野餐隨行】油麻地一級歷史建築鬧市空中花園野餐 神秘台式廚師發辦$100有找!
【野餐隨行】石硤尾池畔叢林小餐廳歎日式超靚便當 街角文具店兼賣醉雞麻醬蕎麥麵
大角嘴迷你威尼斯西餐廳Risotto出色 中西合璧加臘味賣Fusion?