維城界碑
兩個人影吓相,  港島,  神秘之地

【維城界碑】港島十界石!帶你尋找維多利亞城界碑 三界石躲藏山坡近月接連曝光

瀏覽次數:654
個人瀏覽過





維多利亞城係編輯細細個就聽過嘅嘢,對生於英屬香港嘅讀者一定唔陌生,港英政府喺多個香港島城市界線都設有界碑,又叫維城邊界。每一座界石刻有一個字樣作標記,一式一樣如同倒模,屹今被發現嘅維多利亞城界碑有10座,1座已被消失,1座曾被遷移,當中有3座位處山坡之上嘅界石更加係近月被發現,今次編輯就一次過帶大家從最安全嘅路線找尋港島10座界石啦!

英國殖民時期每一座維多利亞城界碑都為四方形石柱,而頂端則呈錐形,前端刻有「CITY BOUNDARY 1903」字樣,採用花崗岩建造,而每座都高約1米。而維多利亞城界牌嘅英文可以直譯為City Boundary Stone,又或者叫City Boundary Marker,都係由英國人於1841年登陸並取得香港島之後建立,更逐漸將海旁建立城區,界碑就用作標記香港島維多利亞城具體範圍,據了解每座界石相距約有500米。

此外,當時港英政府在位人物為維多利亞女皇(Queen Victoria),所以城區先會被稱作「維多利亞城」(City of Victoria),維多利亞女王在位期間為大英帝國黃金時代。香港歷史屹今有逾180年,據悉維多利亞城界線分為東、南、西、北面,東面大概由銅鑼灣至黃泥涌,南面為龍虎山,西面約為現時堅尼地城,北面則固然為海港。

不過,由於維多利亞城界碑曾經歷二戰時期同市區擴展,所以部份界石都可能已消失,可能係被拆毀,亦可能被遷移,當中被發現後再被拆走嘅例子就有馬己仙峽道界石。若然要講界石其實有幾多座,就真係不得而知,因為由始至終都無人能夠搵到確實數字,目前只知道已經被發現嘅維多利亞城界碑總共有10座。

至於點解每一座界石柱身中央都刻有「CITY BOUNDARY 1903」呢?如果對殖民歷史稍有認知,應該會知道維多利亞城界碑又叫做四環九約界碑,同華人「四環九約」有關。據當時嘅香港政府憲報顯示,界石上嘅「CITY BOUNDARY」象徵維多利亞城嘅界線範圍,同時亦刻有「1903」,代表係1903年底建立,事實上港英政府係為咗將維城劃界,劃定城市界線,等公眾都清楚維多利亞城嘅範圍,所以豎立界石、設立界碑。雖然界石係殖民地著名歷史痕跡,但就一直未有被列為法定古蹟。

而華人所講嘅「四環九約」,據了解「環」同「灣」讀音近似,而「約」就只係以前清朝嘅管理單位,如果以近代嚟講,維多利亞城分劃出嚟嘅「四環」可以指「下環」、「上環」、「中環」、「西環」,當中「下環」即灣仔、銅鑼灣;而「九約」就係代表港島九個界線,分別係堅尼地城、石塘咀、西營盤、干諾道西、上環街市、中環街市、軍器廠街、灣仔道、鵝頸橋,直至銅鑼灣,故此一直泛指維多利亞城一帶。

一般人嘅界石路線都係從西走向東、由第一約走到第九約,一般由堅尼地城開始數,所以西寧街界石為1號界石,原本只走到黃泥涌道界石,故為6號界石,而消失咗嘅馬己仙峽道界石則為7號界石,其餘全新3座界石則依被發現次序,順序數為8至10號界石,走完全程可能有至少20公里。今次編輯就由東至西帶大家找尋港島十界石,從第九約返回第一約,從跑馬地黃泥涌道行到堅尼地城摩星嶺山坡,除咗三座於2021年12月中先喺山坡被發現嘅界石會涉及爆林路線之外,編輯會全部帶大家走最安全嘅界石路線,為土生土長嘅香港加添認識,就算找尋昔日文化產物,香港人都要先保住自身安全。

維城界碑第一站為最接近銅鑼灣、跑馬地市區嘅6號界石,位處黃泥涌道,界石對面為跑馬地黃泥涌道聖保祿天主教小學對面。黃泥涌道維多利亞城界石英文為Wong Nai Chung Road City Boundary Stone,係維城內最接近「下環」地段嘅界石。

由銅鑼灣起步,向跑馬地方向走,穿過禮頓道,步行至黃泥涌道,向聖保祿天主教小學方向走,對面就係6號界石,位處跑馬地遊樂場隔離公園一隅,而界石旁邊則有一小句界石解說。6號界石豎立於行人路面,對比之後幾座界石,明顯係最容易找尋嘅一座,皆因其他好多都位處護土牆或山坡側。

第二站係寶雲道維多利亞城界石,英文為Bowen Road City Boundary Stone,界石位處寶雲道與司徒拔道交界嘅5號界石,對面為箕璉坊配水庫休憩處。界石離司徒拔道交匯處距離約半公里,不過界石並非正對迴旋處,而係需要於寶雲道健身徑向灣仔方向步行約半公里,即係迴旋處開始數嘅第二條樓梯旁邊,樓梯向上行會見到御峰、曉廬,而下方則為松栢新邨。

5-1ok
IMG_6647
IMG_6648
IMG_6649
IMG_6650
IMG_9036
IMG_9037
IMG_9040

而第三站就係2021年12月12日先被發現嘅9號界石,位處半山區司徒拔道玫瑰崗學校南面嘅山坡,海拔有約212米高,玫瑰崗界石係最多入口可以前往嘅一座山坡界石,基本四通八達,但大多數路段都為林間,鮮見瀝青路。

1278-9a
2IMG_6657
2IMG_6658
2IMG_6660
2IMG_6662
2IMG_6664
2IMG_6665
2IMG_6666
2IMG_6667
2IMG_6669
2IMG_6671
2IMG_6673
2IMG_6674
2IMG_6675
2IMG_6677
2IMG_6678
2IMG_6681
2IMG_6684
2221
2222
2223
2224
2225
2226
2227
2228
2229
IMG_9574
IMG_9577
IMG_9579
IMG_9580
IMG_9581
33311
33312
33313
33314
33315
33316
33317
33318
33319
33320
33321
33322
33323

9號界石英文為Rosaryhill City Boundary Stone,位置靠近剛才嘅寶雲道5號界石,循5號界石小樓梯上行至司徒拔道,然後一直向玫瑰崗學校走到盡頭,會發現學校門口右邊有一個小缺口,此為其一入口。路口有絲帶可以跟隨,只需依循小缺口步行上山坡,一直向最頂端上行,靠近末端可轉左,一直沿水渠邊走,接連見到兩個大渠,不過中段大渠有啲危險,要特別小心,穿越之後上工程樓梯就可以前往聶歌信山食水配水庫位置。

另外,都可以從另一個方向通往玫瑰崗界石,先前往灣仔峽道遊樂場,然後到迴旋處對面布力徑,一直向前行,直到見到一道較大型嘅工程樓梯。然後依工程樓梯向下行,樓梯末端會見到一個配水庫大草地。

繼續下行就會到達30年代嘅配水庫,叫做中峽食水配水庫,前行會見到CCTV同保安亭,穿過之後就會見到第一條路線都會見到嘅聶歌信山食水配水庫。沿坑渠前行幾步就會進入山坡範圍,循絲帶路轉左走,中途會有一個小平台。而小平台為一個懸崖,平台上有一座奇形怪狀石頭,據資料顯示,該石被稱為不倒翁石。

1278-9b
3IMG_0331
3IMG_0333
3IMG_0333b
3IMG_0334
3IMG_0335
3IMG_0337
3IMG_0338
3IMG_0338b
3IMG_0339
3IMG_0340
3IMG_0342
3IMG_0342b
3IMG_0343
3IMG_0345
3IMG_0352
3IMG_0354
3IMG_0355
3IMG_0356
3IMG_0358
3IMG_0360
3IMG_0361
3IMG_0362
3IMG_0363
3IMG_0365
2229
IMG_9574
IMG_9577
33311
IMG_9581
33312
33313
33314
33315
33316
33317
33318
33319
33320
33321
33322
33323

不倒翁石後方有一道小山路,同樣一直有絲帶引路,一直向前走,路段雖然稍長,但基本都算清晰,比摩星嶺界石容易步行。只需穿過竹林隧道,不久後就會見到9號界石正確位置,界石離玫瑰崗學校距離極接近。

至於第四站就係最下落不明嘅7號界石,原本位處半山區馬己仙峽道15號牆角,大概係郵筒背後,現時仍可見到石牆有補過痕跡。馬己仙峽道界碑英文為Magazine Gap Road City Boundary Stone,海拔高約212米,據悉有別於其他界石於1903年豎立,而係1920年豎立。

不過,已經湮沒於鬧市之中,皆因7號界石已經於2007年6月被移走,當時一度被各界關注,古物古蹟辦事處最終得出下落不明結果,而且無人需要為移走界石負責,而且係不了了之。所以,7號界石至今依舊遺失,未有被正式紀錄,仍未有人知道界石去向。而現時原先界石位置已經長滿樹根,只係隱約見到石牆有少少補過嘅痕跡,估計係拆走界石之後先至填補返。

去到第五站,繼續於半山區逗留,前往半山區舊山頂道就可以搵到4號界石,位處舊山頂道與地利根德里交界處,離涼亭約幾十米,向山頂方向步行1分鐘左右就會見到4號界石。舊山頂道界石英文為Old Peak Road City Boundary Stone,靠近路邊,位於石牆之下,附近可見樹根。

由香港動植物公園轉出羅便臣道,然後上行舊山頂道,有零星豪宅,經過曉峰閣就可以步行上地理根德里,轉入舊山頂道向山頂方向走就會到達4號界石。如果由山頂步行落山,就會更為方便,毋須辛苦由香港動植物公園上行。

而第六站就係前往龍虎山克頓道界石,離龍虎山松林炮台不遠,位置為西半山克頓道,離旭龢道約400米左右,於龍虎山公廁、16號涼亭直上2分鐘步程就會到達。

1278-03
IMG_7175
IMG_7186
IMG_7189
IMG_7193
IMG_7196
IMG_7197
IMG_7199
IMG_7214

龍虎山克頓道界石英文為Hatton Road City Boundary Stone,位於克頓道路邊,海拔高約212米,係上行龍虎山郊野公園必經之路,界石側有展板介紹維多利亞城界石歷史,為10座界石中比較罕見地備受重視。

不過從地圖中可見,舊山頂道4號界石同龍虎山3號界石之間明顯有一段距離,中間全為豪宅地帶,到底係呢段路之間嘅界石未有被發現,抑或係因為起樓而將原本嘅界石拆走咗呢?

繼續循龍虎山山路上行,可以找尋另一座於2021年12月5日先至重見天日嘅界石,龍虎山界石被發現躲藏於龍虎山山坡之間,海拔高約212米,位置為郊野公園內克頓道以下山坡,近整座龍虎山西南面方向,為維多利亞城界碑中8號界石。

1278-8-1
IMG_9394
IMG_9395
IMG_9396
IMG_9397
IMG_9398
IMG_9399
IMG_9400
IMG_9403
IMG_9405
IMG_9406
IMG_9408
00801
00802
00805
00807
00809
00811
IMG_9419

龍虎山界石英文為Lung Fu Shan City Boundary Stone,從龍虎山克頓道界石上行,於迴旋處轉向龍虎山瀑布方向,其後再轉向龍虎亭,全程只係山腰山徑,毋須上行,只需一直向下走,直到經過兩個山邊佛像。到達2號涼亭後,面向對面山坡,位置就係龍虎山界石入口處。

於路邊山坡下行,沿途會一直見到橙色絲帶引路,山坡稍有崎嶇不平,遍佈樹藤、沙泥,貌似山坑,必須緊捉堅穩樹幹,路段絕對係新手不宜。龍虎山山坡界石比玫瑰崗界石、摩星嶺界石路程較短,而且相對比較簡單,基本上前行5至10分鐘就可以搵到龍虎山8號界石,睇完8號界石折返原路就可以前往碧珊徑。

到達8號界石會發現有人於界石表面塗上白色油漆,雖未知真正用意如何,直接聯想是要令維多利亞城界石上嘅「CITY BOUNDARY 1903」字樣更清晰,但其實會唔會係已經塗污咗歷史文物呢?



從龍虎山碧珊徑下行至蒲飛路,轉往薄扶林道,可以搵到另一座位於沙灣坳嘅界石,正確位置為行人隧道48907號電燈柱側,位處薄扶林道士美菲路交界,靠近富林苑,薄扶林道界石英文為Pok Fu Lam Road City Boundary Stone,地埗為薄扶林道84號,亦係維多利亞城界碑中2號界石。

至於點解薄扶林道界石會靠近路邊呢?其實歷史久遠都難以追查,據稱係因為有斜坡維修工程,所以界石先至被向南移動約500米,最終於薄扶林道行人隧道旁邊落地。

於薄扶林道下行至堅尼地城,一直向西行,前程域多利道以北、西寧街堅尼地城臨時遊樂場,會發現1號界石位處遊樂場近西面入口內,正對西寧閣,位置為維多利亞城西面界線。1號界石英文為Sai Ning Street City Boundary Stone,界石離堅尼地城巴士總站只係3分鐘步程。

1278-01-1
IMG_9085
IMG_9442
IMG_9443
IMG_9092
IMG_7263
IMG_7293
IMG_7277

1號界石位置係最令人摸不著頭腦,雖然位處海旁,但位置為臨時遊樂場內,疫情期間遊樂場封閉未能進入都算數,但竟然將垃圾桶放置於界石旁邊,政府會唔會有啲唔太唔尊重本土歷史文物呢?據了解,原來1號界石本來係位處西寧閣,後來於1978年經市政局建議先移動至現時臨時遊樂場內,以免被廢物遮掩。

最後一座界石為摩星嶺界石,同玫瑰崗界石一樣於2021年12月12日先至被發現躲藏於摩星嶺公民村山坡內,山坡海拔高約140米,位處摩星嶺西北面。摩星嶺界石英文為Mount Davis City Boundary Stone,位處域多利道以南、摩星嶺、前公民村之間山坡,為維多利亞城界碑10號界石。

1278-10-1
IMG_9442
IMG_9443
IMG_9444
IMG_9446
IMG_9449
IMG_9450
IMG_9452
IMG_9454
IMG_9455
IMG_9456
IMG_9459
IMG_9461
0902
0903
IMG_9463
0904
IMG_9464
IMG_9465
IMG_9466
IMG_9468
0913
0914
0915
0916
0919
0924
0925
0928
IMG_9484
IMG_9469

摩星嶺界石初段雖然只係上行樓梯,但爐灶之後就係山坡路段,必須攀爬上行探索,位置極為危險,雖然肯堅持同有毅力係可以做到好多事,但事實上摩星嶺界石比龍虎山界石、玫瑰崗界石更加新手不宜,裝備不足、經驗不足者不宜冒險前往。

於西環西寧閣域多利道對面舊公民村位置起步,循樓梯上行至爐灶後,左面攀上山坡,其後一直為山坡段,其後會到達竹林,穿過竹林之後,留意右邊方向,就會發現10號界石正確位置。

摩星嶺舊公民村山坡陡峭,滿佈荊棘、沙泥,到處樹藤,而且地面樹枝尖削,故此摩星嶺係最艱險嘅1座界石,而下行比上行更險要,要找尋界石嘅話,絕對要三思而後行。


E.A.Tips :

❶ 其實6座界石都只係半星至1星難度,部份甚至喺路邊,只有最新發現嘅3座界石先至係需要爆林進入。

❷ 如果要搵3座新發現界石,要小心安全,因為都係位處山坡內。

❸ 最好穿著爬山鞋,戴上手套,手套係必備,以免沙泥跣腳或被尖刺吉到。

❹ 如果要一次過行晒,就一定要預充足時間,最好拎定頭燈。

❺ 注意新3座界石需要上落斜坡,最好先補充足夠糧水。

❻ 最好係帶多幾個朋友陪同,多個照應。

❼ 巴士路線1,10,5X,101,104 都可以來往堅尼地城。

❼ 如果想界石全走,3座新界石最好要預充足時間,因為都涉及爆林路段,要避免夜行。

❼ 從9號界石走到7號界石,可以於布力徑折返灣仔峽道遊樂場,然後經山頂道前往馬己仙峽道,又或者下行至寶雲道,再上行至荷蘭徑,經過馬己仙峽配水庫遊樂場,一樣可以前往馬己仙峽道7號界石。

❼ 如果想一次過走晒10座界石,我哋建議依循干德道走,可以直接從4號界石走到3號界石。

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


免加2蚊!太子親民居食屋靠近雷生春 日式料理丼飯套餐外賣抵過堂食
流浮山海鮮街酒家林立藏殖民時代皇冠郵筒 海味場旁眺后海灣日落觀60年歷史神秘建築物
【野餐隨行】九龍城人氣泰國菜皮蛋炸蝦餅x潮州粉麵上等牛坑腩 賈炳達道公園野餐大玩Crossover
西貢外賣限定英式炸魚薯條專門店 最高人氣係邊款小食?
經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象