大腦古道
兩個人影吓相,  新界,  神秘之地

蠔涌出發漫遊大腦古道 尋港英紅色皇冠郵筒+搾糖石磨歷史遺跡 幽靜古樸林蔭石徑連接企壁山古道/沙田黃泥頭

瀏覽次數:362
個人瀏覽過





西貢古道多如牛毛,可來往西貢至沙田、馬鞍山等地,每一條古道都歷史悠久,以石舖砌,一步步登上頂端,拍拖兩個人穿梭其中,踏出每一步都可感受舊人嘅努力,蠔涌就有一條大腦古道,石砌路段既有荒廢村落,亦隱藏搾糖石磨,每一處地方都係本地嘅歷史痕跡。

有留意eatwo嘅讀者一定知道,編輯曾經遊走西貢北港嘅茅坪古道,亦曾到訪蠔涌隔離嘅白沙灣企壁山古道,今次就向西面再行另一條古道。大腦古道其實可以接駁上述兩條古道,遊走大腦古道之後,可以繼續前往沙田黃泥頭方向,亦可以折返白沙灣或西貢。

由西貢公路蠔涌起步,依循蠔涌河走蠔涌路,先經過蠔涌車公廟、亞洲電視舊錄影廠遺址,只需一直上行,沿蠔涌路直行到底,中途會經過一間又一間西貢村屋,包括柏濤軒、金豪花園。

同時,蠔涌路亦可前往昔日咸豐片場,而片場之後嘅分岔路可通往大窩村,更特別之處係村口有一個超迷你嘅紅色英國皇冠郵筒!眾所週知,香港紅色圓柱形嘅英國皇冠郵筒係殖民地嘅象徵,港英時期屹今嘅紅色圓柱形皇冠郵筒已經少之又少,即使仍保存至今,唔係放置博物館、郵政總局,就係演變成被髹上綠色嘅皇冠郵筒,甚至變成清一色白色蜂鳥香港郵政綠色信箱,至於係咪同「去殖」有關就不得而知,不過歷史就係歷史,唔會消失,難以被刪除剝奪。

IMG_6961
IMG_6962
IMG_6963
IMG_6966
IMG_6968
IMG_6969
IMG_6972
IMG_6974
IMG_6979
IMG_6980
IMG_6982
IMG_6983
IMG_6987
IMG_6988
IMG_6990
IMG_6991
IMG_6993
IMG_6995
IMG_6997
IMG_7001

以目前觀察,破舊小郵筒甚為殘缺,但仍舊可見到皇冠圖案,亦可以隱約見到「ER」字樣。而「ER」有「Royal Cypher」之意,每個郵筒設立時通常都有在位君主嘅標記。郵筒上嘅「E」字代表「Elizabeth」,中文即「伊莉莎白」,至於「ER」中間嘅「II」,等同「二世」,「EIIR」就代表「英女皇」伊莉莎白二世,因為「R」係代表「Regina」,即「女皇」。不過該郵筒貌似已經荒廢,下方郵差取信位雖然被鎖頭鎖上,但郵筒就唔見有信件,反而旁邊就另有一個郵箱用作放置大窩村村民嘅信件。到底郵筒係隔離片場遺留嘅道具,定係真係被遺忘嘅皇冠郵筒呢?

繼續循蠔涌路上行,直到界咸村盡頭嘅大藍湖路、界咸路分岔路口,轉入界咸路之後,經過涼亭前行至峻峰閣,對面就係大腦古道入口,步程約30分鐘。攀登大腦古道,路段唔算難行,只不過全為石砌步道,而部份路段亦甚狹窄,大霧時雖然更有氣氛,但濕氣亦重,加上唔少石頭表面長滿苔蘚,容易跣腳。

IMG_7011
IMG_7013
IMG_7014
IMG_7016
IMG_7018
IMG_7019
IMG_7022
IMG_7028
IMG_7030
IMG_7034
IMG_7035
IMG_7039
IMG_7032

大腦古道以下為蠔涌,而大腦古道以上則為黃牛山,連接大腦古道嘅有企壁山古道、麥理浩徑第4段,可以來往西貢或沙田黃泥頭方向。而上洋村就隱藏於大腦古道內,村落長期於深山之中,同大腦村一樣已經荒廢不成形,其中連宗祠都無人理會,大腦古道原本只係昔日石磴道路。

古道全由一塊塊大石舖砌,一步一塊石,路線以上行山坡為主,屹今仍然清晰可見,行山客可以逐漸登上頂端。古道內清幽寧靜,古樸味濃厚,沿途遍佈樹蔭,鮮見陽光,即使係夏天都可以隨時遊走。

IMG_7043
IMG_7046
IMG_7048
IMG_7054
IMG_7055
IMG_7058
IMG_7060
IMG_7063
IMG_7077
IMG_7079
IMG_7084
IMG_7085

當步行至古道末端,會見到大腦古村遺址,石牆雖然依舊保存良好,但舊屋附近長滿藤蔓,已完全荒廢,而繼續循古道前行,則會到達曾氏宗祠,同樣係無人打理。至於大腦古道嘅重點,係離宗祠僅1分鐘步程嘅搾糖石磨,石磨係大腦古道嘅亮點,亦係當中嘅歷史遺跡,可嘗試幻想昔日居民生活,由入口至石磨,步程約需30分鐘。

於宗祠一邊穿過溪澗,就可以找尋古老搾糖石磨,現時仍然可以石磨兩個齒輪,呈墨綠色,至今仍然尚算保存良好,只係無咗木製部份,淨低齒輪石柱部份。至於點解叫搾糖石磨?因為該石磨嘅操作原理重點就在於兩個齒輪,用作榨取甘蔗製糖,係一個製糖工具,只需要上面放木板,將甘蔗放於齒輪中間,待齒輪轉動之後,壓榨甘蔗,自然可以榨取蔗糖,下方凹槽則可為收取蔗糖汁液容器,民間智慧的確令人佩服,只係呢種製糖技術據悉已經有至少有逾百年歷史。

若然意猶未盡,可以折返曾氏宗祠,跨過旁邊小路,繼續上行至基維爾營地,前往黃牛山,或者穿過花心坑前往沙田黃泥頭方向。

延伸閱讀﹕西貢行到沙田!白沙灣出發穿梭企壁山古道 麥理浩徑接長城古道徒步黃泥頭小瀝源




E.A.Tips :

❶ 最好從蠔涌起步登大腦古道。

❷ 由蠔涌車公廟、亞洲電視遺址開始行,沿蠔涌路走到最底,上行至大藍湖路、界咸路分岔路口,向界咸路方向走,前行會見到左邊係大腦古道入口。

❸ 30分鐘其實可以行完大腦古道,不過整條古道都係石頭,要小心安全,濕氣重時就要避免行走。

❹ 古道上好多石頭都有青苔,要小心跣腳。

❺ 巴士路線92號、小巴路線1,1A 都可以前往西貢方向,於迴旋處嗌蠔涌有落就可以。

❻ 大腦古道可以接駁企壁山古道,折返白沙灣方向,亦可以接駁黃牛山、水牛山,前往黃泥頭方向。

❼ 大腦古道石磨位置近廟宇、廢村,直行到底轉右就會見到,左邊係廟。

❽ 廟宇旁邊有一道小路,可以通往黃泥頭方向。

❾ 山路無補給點,要準備充足糧水。

❿ 古道基本樹蔭充足,少見陽光。

❿ 可以選擇原路折返,或者前往黃泥頭。

❿ 黃泥頭、廣源都有巴士、小巴路線可前往沙田方向,甚至九龍油尖旺方向,例如巴士路線83K,83S,83X,86、小巴路線65A,65K,65S。

❿ 古道多為密林,要留意蚊蟲可能會較多,甚至會有蜜峰,最好穿著長袖衫褲。

❿ 石磨為歷史遺跡,謹記唔好破壞。

❿ Google Map其實無大腦古道路線,只係依循綠色虛線走就係。

大腦古道

  • 西貢

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


免加2蚊!太子親民居食屋靠近雷生春 日式料理丼飯套餐外賣抵過堂食
流浮山海鮮街酒家林立藏殖民時代皇冠郵筒 海味場旁眺后海灣日落觀60年歷史神秘建築物
【野餐隨行】九龍城人氣泰國菜皮蛋炸蝦餅x潮州粉麵上等牛坑腩 賈炳達道公園野餐大玩Crossover
西貢外賣限定英式炸魚薯條專門店 最高人氣係邊款小食?
經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象