野餐隨行【港島篇】有View有草地!全港100個近鬧市近食肆安心野餐點 梗有一個喺左近!
兩個人影吓相,  兩個人醫吓肚,  區區有良心,  小貼士,  港島,  焦點熱話,  野餐隨行

野餐隨行【港島篇】有View有草地!全港100個近鬧市近食肆安心野餐點 梗有一個喺左近!

瀏覽次數: 67
個人瀏覽過





最近,本地人搵食愈來愈艱難,單單堂食定外賣都要作出選擇,將食物外賣又要擔心拍拖去邊度食好,倒不如兩個人試吓去野餐,一於跟假日休息嘅「姐姐」隨時隨地隨意去吓野餐啦!雖然「姐姐」通常會選擇天橋底、天橋內,又或者隧道內等地方,但事實上我哋要野餐亦可以有更多選擇嘅,大家可以揀選有草地、有風景嘅野餐地方,唔少野餐地更可享海景。同時,無需擔心野餐點離食肆距離遠,令食物、飲品冷卻,皆因唔少都係靠近鬧市同食肆,絕對可以安心野餐!編輯搜羅咗100個本地野餐地點,已經為大家提供過九龍篇、新界篇,接下來為大家推介嘅係港島區各個野餐點!

*編輯標準參考香港安心野餐Group,認同門檻唔應該太高,隨時隨地都可以野餐,只係盡可能挑選環境舒適嘅用餐地方,可以嘅話就選用環保餐具。

(59)堅尼地城﹕卑路乍灣海濱長廊

前臨海景嘅卑路乍灣海濱長廊,位處堅尼地城近盡頭,可以一邊野餐一邊望海。

西環食肆列表

(60)西環﹕中山紀念公園

而中山紀念公園亦與卑路乍灣海濱長廊相似,同樣係面對維多利亞海景野餐,不過就無草地。

西環食肆列表

(61)西環﹕捐山窿公園

至於上述兩者之間嘅豐物道海濱嘅捐山窿公園,就係打卡地方,內有草地,亦有長櫈,同樣正對海景,可以隨時隨地野餐。

延伸閱讀﹕文青感滿滿! 西環小公園水管打卡 神還原叮噹/多啦A夢場景

西環食肆列表

(62)上環﹕元創坊

PMQ元創坊容許公眾自由進入,假如諗唔到用餐地點,就可以選擇到PMQ搵個空間即時醫吓肚。

上環食肆列表

(63)中環﹕中環碼頭海濱長廊

講到海旁野餐,中環碼頭海濱就必定係其中之一,中環海旁同尖沙嘴海旁一樣,都係唔少人會逗留或用餐嘅地方。

中環食肆列表

(64)中環﹕香港公園

香港公園地方偌大,可以選擇任何一個角落用餐,例如湖畔,又或者小公園內。

延伸閱讀﹕【2021賞花地圖】兒童遊樂場藏雙彩虹打卡點 香港公園紅花品種雞蛋花盛開

中環食肆列表

(65)中環﹕香港動植物公園

至於香港動植物公園亦同香港公園一樣,係著名本地景點,內有草地,可以坐低野餐。

延伸閱讀﹕抗疫賞花!動植物公園激罕繡球樹開花 大紅色超有氣派

中環食肆列表

(66)金鐘﹕添馬公園

位於金鐘嘅添馬公園就更加係野餐勝地,大片青翠草地就係本地人嘅野餐好地方,加上正對維港,環境更加無得輸,只不過人流會比較多。

灣仔食肆列表

(67)灣仔﹕灣仔臨時海濱花園

今年新開嘅灣仔臨時海濱花園,內有人造景,提供打卡地方,亦有草地可以野餐,位置靠近海邊,環境不俗。

灣仔食肆列表

(68)銅鑼灣﹕銅鑼灣避風塘

銅鑼灣避風塘停泊咗唔少船隻,岸邊有空地,可以對住小海景坐低野餐食少少嘢,如果有街渡重可以前往燈塔呢。

銅鑼灣食肆列表

(69)銅鑼灣﹕維多利亞公園

維園有草地,亦係最為人熟悉嘅熱門景點之一,唔少「姐姐」都會於假日選擇作野餐地,但園內仍有充足空間提供。

銅鑼灣食肆列表

(70)炮台山﹕天后廟道三號花園

以日式風格為主嘅天后廟道三號花園,亦可野餐,如果配搭日本菜式,則會更有日本味。

延伸閱讀﹕秒遊京都! 炮台山配水庫旁秘藏日式公園 30分鐘直上紅香爐峰山頂

炮台山食肆列表

(71)北角﹕北角海濱公園

靠近北角海旁嘅長廊,前臨海景,於北角買外賣之後就可以到海旁用餐。

北角食肆列表

(72)鰂魚涌﹕鰂魚涌公園

至於鰂魚涌公園就係空間較為廣闊嘅一個,可以於鰂魚涌或太古進入公園,但場內少有草地或海景,只係一個較為方便嘅地方。

鰂魚涌食肆列表太古食肆列表

(73)西灣河﹕愛秩序灣公園

於西灣河買外賣之後,前往愛秩序灣公園,雖然未睇到海景,但公園內都有草地,亦有長櫈等地方可以用餐。

西灣河食肆列表

(74)筲箕灣﹕筲箕灣避風塘

無論於筲箕灣定西灣河買外賣,都可以前往筲箕灣避風塘野餐,面向海景,用餐環境舒適。

筲箕灣食肆列表西灣河食肆列表

(75)杏花邨﹕杏花邨海濱長廊

雖然海濱長廊係可享海景,但杏花邨小店唔多,如果到此處野餐,則可以選擇先從筲箕灣買外賣。

筲箕灣食肆列表

(76)柴灣﹕柴灣公園

至於柴灣公園係一個較方便嘅公園,雖然只係公園一個,但地方充足,離食肆亦不遠,所以用餐都可作選擇。

柴灣食肆列表

(77)柴灣﹕柴灣北配水庫遊樂場

位於筲箕灣至柴灣之間嘅配水庫遊樂場,人流唔多,從兩邊買外賣都可以,而步程相差不大,球場邊有少量空間可以用餐。

延伸閱讀﹕柴灣西灣山270度瞰海景賞日落 2條秘道闖炮台窺探戰時遺跡

筲箕灣食肆列表柴灣食肆列表

(78)小西灣﹕小西灣海濱花園

小西灣海濱長廊較近山路,於海邊野餐可同時吹海風,環境亦唔錯。

延伸閱讀﹕歌連臣角夏日懶人路線 直闖黑角頭碉堡舊軍事建築探險

延伸閱讀﹕小西灣歌連臣角1小時徒步大浪灣 臨海郊遊徑眺望東龍島+石澳 沖浪觀浪勝地尋石刻/藍橋打卡

小西灣食肆列表

(79)赤柱﹕赤柱海濱長廊

赤柱區內只有一間推介食店,如果要於赤柱野餐,可以選擇海旁位置,前臨海景,相信點都會有位嘅。

赤柱食肆列表

(80)香港仔﹕香港仔大道/鴨脷洲大橋休憩處

大概只有「姐姐」先會知道嘅地方,位於大橋底下,背後有瀑布景象,人流稀少,最多假日會有「姐姐」於橋底野餐,其實大家跟隨「姐姐」搵野餐點,有時候的確都可以搵到好地方呢。

延伸閱讀﹕無人之境? 香港仔鬧市神秘瀑布 黃竹坑道藝術木牆打卡

香港仔食肆列表

(81)香港仔﹕香港仔海濱公園

香港仔海旁正對避風塘,享香港仔海景,於海旁野餐都係最穩陣嘅做法。

延伸閱讀﹕【蝴蝶群舞】零難度上香港仔水塘 推介人跡罕至神秘位打卡 1小時直通灣仔鬧市超易行

香港仔食肆列表

(82)鴨脷洲﹕鴨脷洲公園

鴨脷洲對面就係香港仔,如果唔搭街渡,亦可以於鴨脷洲海旁野餐,旁邊有公園,亦可以坐得較舒適。

延伸閱讀﹕【2021賞花地圖】鴨脷洲海旁14棵八重櫻綻放 粉嫩花海放題任打卡

鴨脷洲食肆列表

(83)鴨脷洲﹕鴨脷洲配水庫遊樂場

靠近山路嘅鴨脷洲配水庫遊樂場,上面都有草地,即使係路邊都可以享海景,就地野餐亦無不可。

延伸閱讀﹕小玉桂山連接利東海怡 15分鐘輕鬆登頂環瞰180度海灣

鴨脷洲食肆列表

(84)利東﹕海怡半島海濱長廊

如果行到海怡半島方向,同樣有海濱長廊,但由於交通無咁方便,所以人流就相對較少,環境可能會更舒適。

延伸閱讀﹕小玉桂山連接利東海怡 15分鐘輕鬆登頂環瞰180度海灣

鴨脷洲食肆列表


E.A.Tips﹕

❸ 野餐時,自己垃圾謹記自己帶走!

❹ 野餐要盡量使用可循環再用之餐具器皿。

❺ 可以挑選有長櫈嘅地方,會較方便。

❻ 有需要可自備小餐枱、小型露營櫈用餐,可以隨時去到邊食到邊。

❼ 野餐時正對海景用餐會比較Chill。

❽ 最好挑選較少人嘅地方,避免接觸人群。

❾ 野餐地同食肆最好距離不足15分鐘步程,以免食物及熱飲冷卻,有需要就自備保溫袋。


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


鄰近車公廟!沙田大圍廢校轉化綠色空間 環保博物館將藝術融入生活
全港3間分店!復古裝潢還原屋邨走廊賣懷舊點心 老馮茶居不如用一款點心單飛?
藜麥紅白米飯配滋補燉湯 大角嘴$48健康港式便當
荃灣清靜秘密花園 大會堂劇院咖啡店歎下午茶
大角嘴街坊刺身壽司專門店 丼飯全日供應最平$40
元朗錦田路邊大排檔毗連公園街市 超高水準街坊醉雞麵/海南雞飯回頭率高
荃灣人氣新式大排檔旗艦店 與時並進改良舊餸菜吸斯文客人?
石崗軍營賞楓!雷公田起步遊200年歷史甲龍古道 直搗川龍家樂徑眺青馬/昂船洲大橋【秋季紅葉2021】
大角嘴高水準台式手工芋圓店月底將結業 滿$100送2件芒果糯米糍
【年糕巡禮2022】新年最黃賀年糕點完整名單!近50間港九新界實體店連網店年糕蘿蔔糕即刻預訂!
野餐隨行【大嶼山及離島篇】有View有草地!全港100個近鬧市近食肆安心野餐點 梗有一個喺左近!
野餐隨行【新界篇】有View有草地!全港100個近鬧市近食肆安心野餐點 梗有一個喺左近!
野餐隨行【九龍篇】有View有草地!全港100個近鬧市近食肆安心野餐點 梗有一個喺左近!
荔枝角程班長台灣美食宣佈即將結業 台灣味牛肉麵營業至3月!
露營地全禁?赤徑藏荒廢小教堂!西貢東100%瀝青路穿越鹹田灣+西灣沙灘
觀塘新海濱工廈飯堂禾稈冚珍珠 豐業地踎工人食堂$44大大碟炒飯