【大嶼山及離島篇】有View有草地!全港100個近鬧市近食肆安心野餐點 梗有一個喺左近!

【大嶼山及離島篇】有View有草地!全港100個近鬧市近食肆安心野餐點 梗有一個喺左近!

最近,本地人搵食愈來愈艱難,單單堂食定外賣都要作出選擇,將食物外賣又要擔心拍拖去邊度食好,倒不如兩個人試吓去野餐,一於跟假日休息嘅「姐姐」隨時隨地隨意去吓野餐啦!雖然「姐姐」通常會選擇天橋底、天橋內,又或者隧道內等地方,但事實上我哋要野餐亦可以有更多選擇嘅,大家可以揀選有草地、有風景嘅野餐地方,唔少野餐地更可享海景。同時,無需擔心野餐點離食肆距離遠,令食物、飲品冷卻,皆因唔少都係靠近鬧市同食肆,絕對可以安心野餐!編輯搜羅咗100個本地野餐地點,早前已經一口氣為大家推介過九龍篇、新界篇、港島篇,最後推介嘅就係大嶼山及離島區各個野餐點啦!

(85)東涌﹕東涌北公園

東涌區內食肆唔多,如果要於東涌買外賣,比較近嘅係前往東涌北公園,地方偌大,有足夠空間可以野餐。

東涌食肆列表

(86)東涌﹕東涌海濱長廊

若想一邊用餐,一邊望海,可以行遠少少前往東涌海濱長廊,有長櫈,亦有於堤邊坐低,海邊野餐環境一樣舒適。

東涌食肆列表

(87)大澳﹕寶珠潭

大澳小島內有幾間小店,但如果想買外賣,基本上隨處都可作野餐點,因為四處都可享海景,唔少人都會揀虎山等熱門地方,當中大澳寶珠潭就係比較少人前往嘅地方,環境或者會比較舒服。

延伸閱讀﹕「東方威尼斯」水鄉小島賞無遮擋醉人日落 大澳珍珠形寶珠潭藏海星紅蟹仔 迆遊虎山浪漫紅木橋打卡

大澳食肆列表

(88)大澳﹕大澳海濱長廊

另外,離大橋不遠嘅大澳海濱長廊毗連碼頭,雖然長廊無長櫈,但碼頭就有瓦遮頭同長櫈,於海旁野餐嘅舒適度的確係無庸置疑。

延伸閱讀﹕90分鐘船程享無遮擋日落景!途經沙螺灣村/馬灣涌村/赤鱲角機場 左右兩岸風光如畫 大澳至屯門假日遊船河路線人均$27!

大澳食肆列表

(89)大澳﹕大澳舊碼頭

大澳舊碼頭係相對較遠嘅地方,曾經已經見過有人於此地開營野餐,面對海景又係無得輸嘅。

大澳食肆列表

(90)長洲﹕長洲北有蓋配水庫公園

長洲小店眾多,要選野餐地點,可以跟隨假日休息嘅「姐姐」前往比較遠嘅長洲北有蓋配水庫公園,入口位置更狀似日本鳥居,當日可見小公園內已有「姐姐」就地野餐,地方不大,但平時就遠離人群。

延伸閱讀﹕【2021賞花地圖】30分鐘船程穿越日本! 走訪日式鳥居兼神社繪馬打卡 一棵棵桃紅櫻花艷絕長洲

長洲食肆列表

(91)長洲﹕大貴灣公園

配水庫公園始終要向上行,如果唔想上行野餐,可以到長洲北面嘅大貴灣公園,同樣人流稀少,隔離重有一個小沙灘,野餐同時亦可享海景。

延伸閱讀﹕長洲避人流!樹下藏韆鞦 離島人先知道嘅秘密沙灘

長洲食肆列表

(92)長洲﹕長洲公園

若然上述兩個長洲野餐點都嫌太遠,咁就可以前往長洲公園,比較接近食肆,不過就有機會較容易接觸人群。

長洲食肆列表

(93)南丫島﹕大灣肚沙灘

到達南丫島,於食肆買外賣後,唔一定要前往熱門嘅洪聖爺灣沙灘,可以到比較冷門嘅大灣肚沙灘,其實一樣,只係並非官方沙灘,但野餐時同樣可享沙灘海景。

延伸閱讀﹕南丫島發電廠旁秘密觀景地 大灣肚沙灘直視絕美日落

南丫島食肆列表

(94)南丫島﹕澳仔避雨亭

如果都係嫌沙灘太遠,可以步行折返榕樹澳碼頭,向左行走,就可以見到澳仔避雨亭,一般比較少人行過,位置亦近海旁,野餐環境不俗。

南丫島食肆列表

(95)坪洲﹕大利島碼頭

坪洲地方唔大,野餐點當然唔多,其中一個係較為人熟悉嘅大利島碼頭,由小橋接駁,可以前往小石灘野餐。

延伸閱讀﹕大利島碼頭黃昏熱點 坪洲延伸小路走入趣味空間

坪洲食肆列表

(96)坪洲﹕南灣休憩處

若果嫌太遠,可以到南灣休憩處,基本上都係靠近海邊,野餐同時亦可享海景,離碼頭就比較接近。

坪洲食肆列表

(97)馬灣﹕馬灣海旁

前往馬灣,大多數人只會識馬灣公園,又或者已經進行工程嘅馬灣舊村,但事實上馬灣重有更神秘嘅角落,經秘道前往空地,可望青馬大橋同近海風景,位置正對西草灣,景觀遼闊。

延伸閱讀﹕舊村小木橋窺漁村風光!15分鐘登大頭嶺瞰3橋全景 馬灣秘道闖青馬橋底眺西草灣兼尋蘆葦五節芒打卡

馬灣食肆列表

(98)馬灣﹕石仔灣碼頭

馬灣舊村雖然已經封閉,但其實石仔灣碼頭仍然開放,碼頭旁邊有小沙灘,野餐時可望向漁村風景,別有一番風味。

延伸閱讀﹕舊村小木橋窺漁村風光!15分鐘登大頭嶺瞰3橋全景 馬灣秘道闖青馬橋底眺西草灣兼尋蘆葦五節芒打卡

馬灣食肆列表

(99)梅窩﹕梅窩北海濱長廊

梅窩海旁靠近碼頭,都係比較為人熟悉嘅地方,於海旁野餐可順便吹吹海風,環境舒適度亦無可否認。

延伸閱讀﹕仙境變人間? 梅窩銀礦瀑布滿佈人群 流水聲變人聲+相機快門聲 50米礦道/隱藏廢棄小屋探秘

梅窩食肆列表

(100)梅窩﹕銀礦灣泳灘

最後就係海濱長廊旁邊嘅銀礦灣泳灘,夏天係非常受歡迎嘅一個本地沙灘,但其實亦可以就地野餐,前臨沙灘海灣,環境同樣毫無疑問。

延伸閱讀﹕銀礦灣東灣頭起步 2小時穿梭梅窩愉景灣瞰高空180度景觀 神樂院/純白教堂打卡 探索長沙欄稔樹灣小村落

梅窩食肆列表