牛池灣位處觀塘興黃大仙之間，斧山就係鑽石山至牛池灣之間嘅地方，由龍翔道經小路可以通往一道無人山徑，該荒蕪山徑已經修復好樓梯級，完全方便拍拖兩個人上山，而且少有被打擾嘅情況，山頂位置可同時眺望代表香港嘅獅子山、飛鵝山，現時路段有幾個出入口，甚至可以連接飛鵝山山腳。
大多數本地人都會以彩虹為地名，但事實上該位置應該稱為牛池灣，本來牛池灣就係黃大仙斧山下嘅海灣，古時曾被稱為牛屎灣、牛尿灣，歷史可追塑至清朝，後來先改為牛池灣，不過亦有指源由係村內有一知水池，有如牛隻沉睡水中，結果叫做牛池而海灣內嘅小村落就叫牛池灣村。當中，公共屋邨彩虹邨、坪石邨就係最鮮為人知嘅地方，另外彩雲邨、私人屋苑峻弦亦位處牛池灣，不過其實80年代至今嘅牛池灣村仍然以寮屋區為主，而聖若瑟安老院亦於重建當中。
而今次編輯步行嘅小山位於斧山內，橫跨牛池灣興鑽石山，由龍翔道起步，穿過斧山道嬉水泳池，經斧山道運動場門口，直行至東九龍分科診所，大門口斜對面為培敦中學，正對門口則可見小山路入口，指示牌寫有可通往牛池灣公園。
牛池灣呢道山徑只勉強係附近居民嘅晨運山徑，一直於山徑步行亦空無一人，路段寧靜，而且山徑不時有小分岔路，內有休憩地，適合情侶拍拖兩個人閒遊。
小山徑原本並無樓梯級，僅為崎嶇山徑，但目前修復好梯級，難度大為下降，大家現時可以安全地上落山徑。梯級中段，會有少量可以打卡嘅地方，而直行上小平台，亦可於巨石上回望牛池灣、九龍一帶景色，不過景觀未夠遼闊，有少量大樹遮蔽風景。
從巨石底部，會發現石頭有如蛇頭一樣，相當有趣，不過該蛇頭石似乎並唔穩陣，影相都謹記要小心安全。
繼續前行，轉上小樓梯可直通牛池灣配水庫，雖然配水庫並非開放地方，但位置可享壯觀風景，既可仰望獅子山頭，亦可眺望飛鵝山山頂。配水庫一端可下行返回近清水灣道彩雲方向，但編輯建議從折返石級。
其後，會到達一個十字路口，一邊係東九龍分科診所方向，可折返原路；一邊無牛池灣公園方向，可以到達彩雲邨；一端係富山邨方向，落山位置可以直上慈雲山或下行至鑽石山；至於另一條就係連接飛鵝山嘅路線，沿札山道而走，可以上行至飛鵝山山腳，甚至連接沙田坳道，通往獅子山。
今次沿樓梯級下行，折返富山邨方向，皆因編輯想先用餐，再繼續尋找各個山路秘道。有指斧山有鯊魚石、空心樹，惟編輯未能搵到，估計係位處札山道往飛鵝山方向，如果搵到嘅讀者，可以於社交平台留言話我哋知呀！
E.A.Tips :
❷ 山路頂端有十字路口分岔路，一端為東九龍分科診所方后，一端為牛池灣公園，一端為富山邨方向，另一端為札山道，可通往沙田坳道、飛鵝山山腳。
❸ 現時山路基本完整，可以走石級，僅稍有斜度，而且有樹蔭，算輕鬆路線，而且可以隨時從分岔路口離開。
❹ 山路比較少人，但唔好以為無人睇到，謹記仍要自己垃圾自己帶走。
❺ 牛池灣配水庫旁邊可以同時眺望獅子山、飛鵝山。
❻ 山上小路有唔小地方可作休憩。
斧山
鑽石山至牛池灣之間