靠近青松觀 屯門隱世千鳥樹新蒲點

【有片】靠近青松觀 屯門隱世千鳥樹新蒲點



[sp_html5video category=”1659″]

呢棵位於青松觀附近嘅大樹,本來係一棵普通嘅樹,小編兩個人路過發現呢個影相位,最特別嘅係樹上竟然好自然地聚集一群野鴿,包括白鴿,畫面真係極震撼,最啱拍拖觀賞!

由天橋位置睇,樹上滿滿停留嘅野鴿,場面壯觀,可以近距離睇白鴿。而且不斷有野鴿飛到樹枝上,亦有野鴿由樹枝上飛走,繼續喺空中飛翔,來來回回唔知幾多次,似足將呢棵樹當作中途站停留休息一樣,似足一棵「千鳥樹」,拍拖嚟睇幾浪漫㗎!

超近距離睇白鴿

翻查一下風水學,原來有種講法白鴿係代表好兆頭,「白鴿眼」即係白鴿飛臨係因為佢哋睇得上呢個地方,係一個好意頭、好風水。

留意到樹下有拜神用嘅神位,加上靠近青松觀,難度呢棵樹本身有靈氣,吸引飛鴿喺樹上停留,順便吸取靈氣?而白鴿向來象徵和平,如果真係有靈氣,小編期望大半年爭取民主嘅示威活動可以得到空前成功,濫暴、濫捕者可受制裁,令香港得到和平。

位置喺青田路同震寰路交界,由青松觀去青田遊樂場必經嘅天橋,可以近距離睇到樹上白鴿。

E.A.Tips﹕

  1. 千祈唔好餵飼白鴿,以免白鴿飛近人群對衛生造成影響。
  2. 保持安靜,人有人行,鴿有鴿休息,大家河水不犯井水。

青松觀
地址: 屯門青松徑8號

青田遊樂場
地址: 屯門良運街3號

延伸閱讀﹕屯門小店歎脆卜卜BB乳鴿 嫩滑多汁好過去酒樓

延伸閱讀﹕蝴蝶灣爆餡牛角包 入口酥脆 層層剝落超療癒

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!