【#星馬偽旅行】新加坡除咗市中心嘅牛車水係華人聚居地,其實東部如切(Joo Chiat)先係早期華人地帶,尤其以峇峇娘惹文化為主,內有一間又一間結構整齊而色彩繽紛嘅小屋,係影相好去處之一。不過目前仍然未能拍拖去旅行,就只能夠於香港探索有星馬味道嘅地方,當中的確有星馬風格嘅小屋,重有隱藏於街角嘅高水準叻沙,兩個人一於去影吓偽旅行照片頂住癮先啦。
兩個人旅吓行,  和你Taste,  本地偽旅行

【星馬偽旅行】仿新加坡如切華人小屋打卡 歎高水準超濃叻沙

瀏覽次數: 37
個人瀏覽過





新加坡除咗市中心嘅牛車水係華人聚居地,其實東部如切(Joo Chiat)先係早期華人地帶,尤其以峇峇娘惹文化為主,內有一間又一間結構整齊而色彩繽紛嘅小屋,係影相好去處之一。不過目前仍然未能拍拖去旅行,就只能夠於香港探索有星馬味道嘅地方,當中的確有星馬風格嘅小屋,重有隱藏於街角嘅高水準叻沙,兩個人一於去影吓偽旅行照片頂住癮先啦。

(1)彩虹﹕牛池灣村

牛車水向來係新加坡唐人街,唔少香港人遊覽新加坡都會去參觀吓,原來係由於早期靠牛車運水而叫牛車水,內有熟食中心、老店、攤販,而香港亦有一個地方驟眼看有幾分似牛車水嘅熱鬧感覺,位置於牛池灣村。雖然只係一個容納街市外攤販嘅地方,從上而下觀望,可見密密麻麻嘅簷篷,畫面構圖不俗。

(2)石硤尾﹕南昌街南昌220组合屋

新加坡東部如切(Joo Chiat)內有唔少色彩繽紛嘅娘惹屋,事實上係土生土長華人家園,一片彩色小屋建築風格獨特,而石硤尾南昌街有一座小屋就同樣以格仔彩虹屋設計,有如當地嘅彩色小屋,滲透陣陣娘惹文化,風格悠閒,結構有娘惹味道,好過影彩虹邨,不過呢座南昌街組合屋只係一座過渡性房屋。

(3)灣仔﹕李節花園

至於位於灣仔嘅李節花園,充滿舊式南洋風格,靠近「叮叮」電車路線,目前只剩低前面嘅唐樓,不過其實只係將老街內嘅舊屋重建。李節花園含古典風格,以翠綠、白色為主調,內有拱形騎樓、木製門窗、仿古牆身,亦可找尋少量舊式木製招牌,充滿懷舊味道。

(4)上環﹕見山書店

新加坡有唔少值得遊覽嘅書店,而上環都有一間以兩層獨立洋房設計嘅書店,每個角落都佈局用心,而且自成一角,可以話係上環一個後花園。

延伸閱讀﹕離文武廟僅3分鐘!上環日系書店自成一角 本土書海淹沒兩層獨立洋房

(5)葵芳﹕初心食堂

想食星馬菜可以去邊?其實連鎖餐廳未必係等同好味道,反而名不經傳嘅小店會更有驚喜,當中葵芳就有一間超高水準嘅叻沙,店內雖然地方淺窄,但叻沙湯底非常足料,質感濃稠,麵條掛湯,摻摻更加係必食之選,椰香味亦重,而湯底唔算太辣。

延伸閱讀﹕葵芳隱密小街超抵叻沙店 金黃湯底濃稠可口椰香味重

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


鄰近車公廟!沙田大圍廢校轉化綠色空間 環保博物館將藝術融入生活
全港3間分店!復古裝潢還原屋邨走廊賣懷舊點心 老馮茶居不如用一款點心單飛?
藜麥紅白米飯配滋補燉湯 大角嘴$48健康港式便當
荃灣清靜秘密花園 大會堂劇院咖啡店歎下午茶
大角嘴街坊刺身壽司專門店 丼飯全日供應最平$40
元朗錦田路邊大排檔毗連公園街市 超高水準街坊醉雞麵/海南雞飯回頭率高
荃灣人氣新式大排檔旗艦店 與時並進改良舊餸菜吸斯文客人?
石崗軍營賞楓!雷公田起步遊200年歷史甲龍古道 直搗川龍家樂徑眺青馬/昂船洲大橋【秋季紅葉2021】
大角嘴高水準台式手工芋圓店月底將結業 滿$100送2件芒果糯米糍
【年糕巡禮2022】新年最黃賀年糕點完整名單!近50間港九新界實體店連網店年糕蘿蔔糕即刻預訂!
野餐隨行【大嶼山及離島篇】有View有草地!全港100個近鬧市近食肆安心野餐點 梗有一個喺左近!
野餐隨行【港島篇】有View有草地!全港100個近鬧市近食肆安心野餐點 梗有一個喺左近!
野餐隨行【新界篇】有View有草地!全港100個近鬧市近食肆安心野餐點 梗有一個喺左近!
野餐隨行【九龍篇】有View有草地!全港100個近鬧市近食肆安心野餐點 梗有一個喺左近!
荔枝角程班長台灣美食宣佈即將結業 台灣味牛肉麵營業至3月!
露營地全禁?赤徑藏荒廢小教堂!西貢東100%瀝青路穿越鹹田灣+西灣沙灘