[sig_post_pv label=””] 個人瀏覽過
香港北區較少高樓大廈,風景優美,空氣稍為清新,環境有如台灣近郊,今次台灣偽旅行帶大家兩個人遊覽上水、粉嶺邊境地方,感覺恍如穿越台東、花蓮,值得拍拖去散吓步。
(1)上水﹕河上鄉
靠近上水超級單車徑路線嘅河上鄉,離雙魚河、梧桐河、塱原濕地不遠,雙魚河附近嘅季節限定鳳眼藍花海亦似六十石山金針花海、花東縱谷稻田般壯觀,再加上河上鄉內一間魚塘花園餐廳,可歎下午茶,似足台灣花蓮鄉郊環境。
延伸閱讀﹕上水河上鄉魚塘滿滿度假風 西多士配清新柚子醬 週末小花園露天茶座歎下午茶
(2)沙頭角﹕鳳坑、谷埔
經粉嶺直闖沙頭角方向,步入鳳坑村、谷埔有另一番景色,當中鳳坑村為原始村落,小屋位處山谷之間,排列整齊,有如台灣小村莊,而谷埔則有一面蘆葦花田,更有無盡海景,畫面夢幻,居民與牛共住一地,有幾分似台東地區。
延伸閱讀﹕沙頭角邊境遊! 賞紅樹林/蘆葦花田/童話村夢幻場景 一文輕鬆遊走鹿頸鳳坑谷埔
(3)自家製﹕太和殿火鍋
晚間時份唔知食乜好?講到明台灣偽旅行,當然要去買返盒台式火鍋湯底返屋企啦!台式火鍋當中,以太和殿火鍋最令編輯有深印象,內有超惹味鴨血、豆腐,而現時超級市場都已經有得買,以台式麻辣火鍋湯底打邊爐,亦可算係解決旅行癮嘅一個方法呀!