[sig_post_pv label=””] 個人瀏覽過
兩個人日本偽旅行走過港島，又走過新界，點解無九龍區？今次編輯就遊走九龍區找尋有日本街頭風格嘅地方，當中有充滿日本漫畫風格嘅車站同小橋，亦順道帶大家去一間和風茶室歎茶，再去食一碗超抵食嘅日式丼飯，拍拖亦唔怕諗唔到一日行程啦！
（1）觀塘﹕想爺爺了
觀塘工廈區內有一間日式茶室，表面平平無奇，但室內充滿和式風格，品茶並唔等如刻梭，飲吓茶都可以代表年輕，陳設上有榻榻米、日式屏風，可以滿足一眾想拍攝偽旅行照片嘅朋友。
延伸閱讀﹕清一色現泡茶 唔賣咖啡！ 觀塘廠遊迷你日系茶室 週末與情人榻榻米放空茗茶
（2）觀塘﹕觀塘碼頭巴士總站
離開和式茶室，稍移玉步即可以去到一個本地日系粉紅車站，以粉紅、白色為主調嘅巴士總站，粉嫩色調充滿少女心，有如日本漫畫中嘅車站。而呢個露天車站於1972年啟用，歷史悠久，靠近觀塘海濱長廊，位處觀塘碼頭廣場內，有大量巴士路線可來往港九新界。
（3）土瓜灣﹕海心公園
乘搭巴士路線15,11B,11K，可以由觀塘前往土瓜灣，步行至海心公園，不難發現一道靠近海旁嘅日系粉紅橋。小橋以漸變粉紅為主調，一直S字形延伸出海，盡頭更有一座粉紅小涼亭，場景浪漫。
（4）土瓜灣﹕牛棚藝術村
離海心公園不遠處，沿海旁步道走，可以前往於區內聞名嘅牛棚藝術村，最大特色係以紅磚倉庫修建，平房建築有古典味，古典中更帶時髦感，有如北海道嘅金森紅磚倉庫。事實上，牛棚藝術村原為一個牛隻中央屠宰中人，後來係一個租予藝術工作者展出展覽嘅地方，成為區內一個藝術村，目前係香港二級歷史建築。當中，不難發現其紅磚牆身、綠色門閘、木造屋頂、磚砌煙囪、黑色鑄鐵柱，可以影吓相。
（5）大角嘴﹕築匠
由土瓜灣轉移到大角嘴，可找尋一間經濟型日式料理店，小店以丼飯為主打，兩個人食一板海膽亦唔使$100！每碗丼飯價錢由$58到$98不等，但又好有水準，係一間值得Encore嘅小店。
延伸閱讀﹕大角嘴街坊價日式料理 心思爆滿海鮮丼飯
