兩個人旅吓行,  和你Taste,  本地偽旅行

【日本偽旅行】九龍區尋日系街頭 漫畫風車站+紅磚倉庫打卡 歎和風茶居/足料丼飯

瀏覽次數: 66
個人瀏覽過





兩個人日本偽旅行走過港島,又走過新界,點解無九龍區?今次編輯就遊走九龍區找尋有日本街頭風格嘅地方,當中有充滿日本漫畫風格嘅車站同小橋,亦順道帶大家去一間和風茶室歎茶,再去食一碗超抵食嘅日式丼飯,拍拖亦唔怕諗唔到一日行程啦!

(1)觀塘﹕想爺爺了

觀塘工廈區內有一間日式茶室,表面平平無奇,但室內充滿和式風格,品茶並唔等如刻梭,飲吓茶都可以代表年輕,陳設上有榻榻米、日式屏風,可以滿足一眾想拍攝偽旅行照片嘅朋友。

延伸閱讀﹕清一色現泡茶 唔賣咖啡! 觀塘廠遊迷你日系茶室 週末與情人榻榻米放空茗茶

(2)觀塘﹕觀塘碼頭巴士總站

離開和式茶室,稍移玉步即可以去到一個本地日系粉紅車站,以粉紅、白色為主調嘅巴士總站,粉嫩色調充滿少女心,有如日本漫畫中嘅車站。而呢個露天車站於1972年啟用,歷史悠久,靠近觀塘海濱長廊,位處觀塘碼頭廣場內,有大量巴士路線可來往港九新界。

(3)土瓜灣﹕海心公園

乘搭巴士路線15,11B,11K,可以由觀塘前往土瓜灣,步行至海心公園,不難發現一道靠近海旁嘅日系粉紅橋。小橋以漸變粉紅為主調,一直S字形延伸出海,盡頭更有一座粉紅小涼亭,場景浪漫。

延伸閱讀﹕土瓜灣小公園涼亭延伸出海 神秘浪漫粉紅橋打卡

(4)土瓜灣﹕牛棚藝術村

離海心公園不遠處,沿海旁步道走,可以前往於區內聞名嘅牛棚藝術村,最大特色係以紅磚倉庫修建,平房建築有古典味,古典中更帶時髦感,有如北海道嘅金森紅磚倉庫。事實上,牛棚藝術村原為一個牛隻中央屠宰中人,後來係一個租予藝術工作者展出展覽嘅地方,成為區內一個藝術村,目前係香港二級歷史建築。當中,不難發現其紅磚牆身、綠色門閘、木造屋頂、磚砌煙囪、黑色鑄鐵柱,可以影吓相。

延伸閱讀﹕土瓜灣尋港版金森紅磚倉庫 海邊日系粉紅橋打卡

(5)大角嘴﹕築匠

由土瓜灣轉移到大角嘴,可找尋一間經濟型日式料理店,小店以丼飯為主打,兩個人食一板海膽亦唔使$100!每碗丼飯價錢由$58到$98不等,但又好有水準,係一間值得Encore嘅小店。

延伸閱讀﹕大角嘴街坊價日式料理 心思爆滿海鮮丼飯

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


鄰近車公廟!沙田大圍廢校轉化綠色空間 環保博物館將藝術融入生活
全港3間分店!復古裝潢還原屋邨走廊賣懷舊點心 老馮茶居不如用一款點心單飛?
藜麥紅白米飯配滋補燉湯 大角嘴$48健康港式便當
荃灣清靜秘密花園 大會堂劇院咖啡店歎下午茶
大角嘴街坊刺身壽司專門店 丼飯全日供應最平$40
元朗錦田路邊大排檔毗連公園街市 超高水準街坊醉雞麵/海南雞飯回頭率高
荃灣人氣新式大排檔旗艦店 與時並進改良舊餸菜吸斯文客人?
石崗軍營賞楓!雷公田起步遊200年歷史甲龍古道 直搗川龍家樂徑眺青馬/昂船洲大橋【秋季紅葉2021】
大角嘴高水準台式手工芋圓店月底將結業 滿$100送2件芒果糯米糍
【年糕巡禮2022】新年最黃賀年糕點完整名單!近50間港九新界實體店連網店年糕蘿蔔糕即刻預訂!
野餐隨行【大嶼山及離島篇】有View有草地!全港100個近鬧市近食肆安心野餐點 梗有一個喺左近!
野餐隨行【港島篇】有View有草地!全港100個近鬧市近食肆安心野餐點 梗有一個喺左近!
野餐隨行【新界篇】有View有草地!全港100個近鬧市近食肆安心野餐點 梗有一個喺左近!
野餐隨行【九龍篇】有View有草地!全港100個近鬧市近食肆安心野餐點 梗有一個喺左近!
荔枝角程班長台灣美食宣佈即將結業 台灣味牛肉麵營業至3月!
露營地全禁?赤徑藏荒廢小教堂!西貢東100%瀝青路穿越鹹田灣+西灣沙灘