[sig_post_pv label=””] 個人瀏覽過
日本係香港人嘅旅遊熱點，即使係普通一道日本街道，都大受港人歡迎，日本街頭的確令人回味，今次編輯就挑選港島區作日本街頭偽旅行路線，由日式小店到打卡點，以至購物地方都有日系風格，尤如去日本旅遊街頭行程，值得拍拖兩個人逛一逛。
（1）上環﹕Not One Less Coffee 願榮光咖啡館
步調悠閒嘅上環區域，向來有異國風格，當中有一間以日式家庭料理為主嘅巷內小店，既有手沖咖啡，亦有日式御結、定食，先醫飽肚再出發，小店適合作一日遊嘅首站。
延伸閱讀﹕N.O.L.！咖啡度身訂造！上環半山巷弄高水準手沖咖啡館 日式一汁三食定食+富士山御結極精緻
（2）上環﹕見山書店
愛旅行嘅朋友應該會去過異地書店，可以感到當地文化氣質，而離咖啡館不遠處，旮旯有一間日系書店，小書店位處一幢兩層嘅獨立洋房，牆身以白色為主調，簡潔自然，小清新風格適合歇腳，可以安靜地享受Reading Time。
延伸閱讀﹕離文武廟僅3分鐘！上環日系書店自成一角 本土書海淹沒兩層獨立洋房
（3）西環﹕捐山窿公園水管
乘搭「叮叮」電車，可以轉移到西環，不過並唔係去打卡熱點西環碼頭或西環泳棚，而係一個似足卡通片《叮噹》場景嘅日式公園。整個公園由一個又一個水管堆成，層層疊方式盡顯風格，穿梭水管則有如配火車捐山窿，而場景確實似足卡通片內嘅空地場景，可以影吓相。
延伸閱讀﹕文青感滿滿！ 西環小公園水管打卡 神還原叮噹/多啦A夢場景
（4）西環﹕沙灣徑
從西環再轉乘小巴路線前往沙灣徑，找尋大樹底下嘅日系韆鞦打卡點，木製韆鞦架位置享盡無敵大海景，更可眺黃昏日落，場面夢幻，拍拖情侶兩個人去坐坐亦會好浪漫。
（5）中環﹕○de▽ 鯛白湯らーめん
折返中環，大概會感到飢腸轆轆，可以試試靠近上環嘅拉麵店，店舖來自大阪，招牌係鯛魚湯拉麵，同時有日式沾麵，風格、味道如同日本店，而店內只有3款招牌可擇，包含鯛魚白湯拉麵、鯛魚清湯拉麵、鯛魚沾麵。
延伸閱讀﹕大阪過江龍人氣拉麵店抵港 全港獨有鯛魚湯
（6）銅鑼灣﹕Mono Mono
去旅行食飽飯通常都無咁早返酒店，一般會於街頭四圍逛，由中環行到銅鑼灣，可以行吓有如日本AEON雜貨店嘅「Mono Monoものもの」，確實為Aeon選下購物點，室內有兩層高，面積約15000呎，護膚品、家庭用品、零食、酒類等應有盡有，相當齊全。行完Mono Mono，不妨再行埋Donki Donki啦！
