[sig_post_pv label=””] 個人瀏覽過
日本神社係香港人去日本旅行必去景點之一，但今時今日要去日本旅行都唔容易，掛住「家鄉」點算好？今次帶大家去一趟日本偽旅行，可拍拖穿越日本場景，兩個人找尋日式鳥居、神社繪馬，最後歎埋日式地道拉麵，整個行程有如倒模日本之旅。
（1）日式鳥居
第一個目的地係長洲，北端隱藏一座以日式鳥居設計嘅公園入口，牌坊揉合中日式設計，以原木打造，似足日本明治神宮嘅「一の鳥居」，而於山頂北眺亭賞景，亦有日本北海道感覺，公園環境平靜而舒適。
（2）神社繪馬
長洲內有一間寺廟，而廟內更Crossover日本風格，特別加入平常日本神社嘅繪馬架，每個繪馬架都用作祈願版，被稱為「絵馬掛け所」，通常放上一塊五角形木板作奉納物，木板上書寫祈願內容，期望上達神明。
延伸閱讀﹕【2021賞花地圖】30分鐘船程穿越日本！ 走訪日式鳥居兼神社繪馬打卡 一棵棵桃紅櫻花艷絕長洲
（3）台風拉麵
走出長洲，可移玉步到荃灣台風，品嚐日本人開設嘅地道拉麵，內有經典魚介豚骨拉麵，亦有伊台風拉麵、沾麵，更有特別限定嘅黃色暴雨拉麵，室內更播放日本流行歌曲。拉麵層次豐富，份量充足，無論湯底、麵條、叉燒都有水準，恍如穿越日本拉麵店。
延伸閱讀﹕荃灣人氣台風拉麵有幾高水準？ 附近重有一間黃到金藥房…
