馬鞍山蒲桃開花似光纖 果實香甜可食用

馬鞍山蒲桃開花似光纖 果實香甜可食用



普通公園內都可以賞花㗎!馬鞍山有一種花叫蒲桃,同食得嘅葡萄同音,今次小編兩個人喺馬鞍山遊樂場發現嘅花係有香果、風鼓、水石榴之稱嘅蒲桃,開花時黃綠色似足一條條光纖線或手部運動嘅按摩軟膠球。

蒲桃枝葉偏紫紅色,樹皮表面平滑,呈灰褐色,花朵開花時呈黃綠色,葉端同根部為尖形,葉面同底部有包邊,脈絡明顯,披針形對生嘅葉有透明腺點,呈深綠色,春季開花絕對係拍拖嘅打卡點。

    

而蒲桃有芳香味,萼片、花瓣各有4枚,白色花較大同雄蕊長,多數,萼片宿存,花瓣自然落下時,留低雄蕊同花托。果實則呈圓形或卵形,顏色亦偏淡綠、淡黃,直徑約3至4cm,有一至兩粒種子。

蒲桃果實香甜可食用

果實可以食用,果肉偏薄,入口鬆化,仲有輕微玫瑰味,食落有清香味兼啖啖微甜感。

若利用蒲桃影相時,不妨以高角度拍攝,蒲桃就似足天然效果,唔使P圖都可以影到高質靚相。

至於蒲桃英文學名係Syzygium Jambos,亦都叫Rose Apple、古代蓮霧,屬澳洲桃金孃科嘅常綠喬木,高10尺,分枝較多。而花期為1月至4月,至於結果期就係5月至6月,想睇想影相就要留意啦!

馬鞍山遊樂場係附近居民嘅一個休憩公園,有兒童遊樂場、長者健身設施、太極場、卵石徑、11人人造草地足球場、7人小型足球場、2個室外網球場、2個室外籃球場同草坪。

雖然果實可以食用,但大家要做有質素嘅香港人,唔好胡亂採摘呀!加上食野果有食物安全甚至法律問題,千萬唔好試呀

賞花還賞花,記得要做個有質素嘅香港人﹕
1. 保持安靜,勿開喇叭聽歌或大聲講大聲笑
2. 自己垃圾要自己帶走

交通﹕
恆安站 C出口
或可來往沙田市中心或沙田站嘅九巴86K/86S、綠色小巴810

馬鞍山遊樂場

地址﹕沙田馬鞍山恆康街1號
開放時間﹕07:00 – 23:00

 馬鞍山遊樂場
馬鞍山遊樂場

延伸閱讀﹕馬鞍山石灘 最啱影婚照

延伸閱讀﹕馬鞍山普通質素平民食肆 食物質素有待改進

延伸閱讀﹕南昌公園黃花風鈴木盛開 滿天黃花鮮艷不俗氣

延伸閱讀﹕鰂魚涌公園綻放紅花風鈴木 3月紫紅風暴超壯觀

延伸閱讀﹕將軍澳櫻花樹下打卡 捕捉最後一朵櫻花

延伸閱讀﹕蔚藍天空映襯粉紅櫻花 大埔海濱公園野餐賞櫻

延伸閱讀﹕黃大仙驚現禾雀花 外形奇特被列瀕危保護植物

延伸閱讀﹕錦田石崗村睇火紅木棉花 燦爛盛開勁吸睛

延伸閱讀﹕天水圍公園垂落串錢柳勁搶眼 睇埋代表香港嘅洋紫荊

延伸閱讀﹕沙田公園睇宮粉羊蹄甲 狀似洋紫荊到底點分?

延伸閱讀﹕抗疫賞花!動植物公園激罕繡球樹開花 大紅色超有氣派

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!