【歐洲偽旅行】本地挪威式小花園/城堡打卡 歐式別墅前臨靜謐沙灘 無敵海景盡曬日光浴

[sig_post_pv label=””] 個人瀏覽過





去旅行喜愛自然風景嘅你,會鍾意去邊度呢?歐洲的確係一個好地方,無論北歐當中嘅瑞士定挪威,抑或冰島,都係探索自然景觀嘅必選地方。不過,暫時未有得旅行,可以先拍拖兩個人遊覽香港,會發現香港都有唔少好地方,亦可以感覺穿越歐洲。

(1)九龍塘﹕根德道花園

位於九龍塘嘅根德道花園,位置比較隱蔽,走過又一城後,需要穿過狹隘小徑先可以到達。小花園地方細小,但狀似歐式小公園,沿途更有一座以藍白色為主調嘅歐式教堂風格宴會廳。

(2)清水灣﹕小棕林

步入清水灣,轉入小棕林珊湖半島,可更加感受挪威北部小島沙灘,附近有一座座歐洲小石屋,沙灘旁邊有木橋、棚架,前臨無敵海景,風景自然,水清沙幼,環境令人放鬆,有避世感覺,絕對係曬日光浴嘅好地方。

延伸閱讀﹕岩頭沙潛水勝地 「港版珊瑚島」小棕林隱藏打卡位

(3)馬鞍山﹕馬鞍山公園

走入馬鞍山公園,會發現內有森林迷宮之上有一面面純白色城牆,調校好角度後,即可拍攝偽歐洲古堡相片,有如歐洲城堡中嘅王子公主。



Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!