【意大利偽旅行】穿越「東方威尼斯」 感受香港水鄉小島風情 兩大賞景地眺黃昏夕陽

[sig_post_pv label=””] 個人瀏覽過





威尼斯向來係意大利東北面一個海上小島,由運河分隔,出入需要坐船,環境優美,著重建築藝術,而威尼斯城則位處潟湖淺灘;香港位於世界東面,而位於香港大嶼山西面嘅大澳,亦素有「東方威尼斯」之稱,不過目前就同陸路完全相連,係本土聞名嘅小漁村,係拍拖兩個人去拍攝偽旅行照片嘅好地方。

延伸閱讀﹕「東方威尼斯」水鄉小島賞無遮擋醉人日落 大澳珍珠形寶珠潭藏海星紅蟹仔 迆遊虎山浪漫紅木橋打卡

(1)橫水渡穿梭棚屋

呢道小漁村以水道之上嘅棚屋為地標之一,對比城市中嘅高樓大廈、商業地區,簡樸自然,兩岸有橫水渡穿插,亦有橫水橋可步向穿梭兩岸。大澳漁業雖然逐漸轉弱,但海中仍羅列唔少小漁船,加上一列列舊式高腳棚屋,僅由磚塊、木板搭建出嚟,景觀獨特。而居民出入僅靠步行或單車,相當簡單,大澳文化一直傳承,蝦膏、鹹魚、魚肚等都係著名產物。

(2)寶珠潭

大澳內有一個非常有特色嘅寶珠潭,人流比較稀少,但環境清幽,湖光山色,風景秀麗,可以完全感受水鄉小島風情。沿途會經過狹隘小路,一般係居民出入嘅小路,充滿原始風味。寶珠潭的確狀似珍珠,歷史悠久,附近河面平靜,棚屋滿佈,小生物於岸邊星羅棋布。

延伸閱讀﹕大澳盡頭睇日落兼眺人工島 珍珠形寶珠潭藏海星紅蟹仔

(3)大澳觀景台

沿寶珠潭方向繼續前向,盡頭可達大澳觀景台,位置可眺港珠澳大橋、南中國海、人工島,亦可望日落靚景,海灣風景非常遼闊,環境清靜。

(4)虎山觀景台

至於另一個賞夕陽靚景嘅好地方,一定要數虎山觀景台,虎山係著高跟鞋都可以輕易步行嘅地方。虎山最大嘅特色不單係黃昏夕陽景色,重有一道超長紅木橋,狀似迷你長城。而虎山依山而建,既可眺港珠澳、南中國海,亦可望大嶼山、珠三角,景觀比大澳觀景台更遼闊。

延伸閱讀﹕浪漫紅木橋打卡 大澳虎山180度無遮擋醉人日落

延伸閱讀﹕大澳必去5間良心圈小店 精品雜貨Cafe乜都有



Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!