澳門偽旅行
兩個人旅吓行,  和你Taste,  本地偽旅行

【澳門偽旅行】迷你葡萄牙羅卡角海岬/倒模路環彩虹屋打卡 歎地道澳門豬扒包兼暢遊黑沙海灘

瀏覽次數: 19
個人瀏覽過





香港人現時既無得搭飛機去旅行,就連搭船「過大海」去澳門都係遙遙無期嘅事,無選擇之下,拍拖兩個人唯有繼續喺香港玩吓本地遊啦,今次就以澳門為主題四圍逛吓。澳門原為葡萄牙殖民地,至今大街小巷仍然保留其特殊葡萄牙特色,包括葡式建築物、葡萄牙菜、葡國文化、葡語等,連街道名都採用葡萄牙瓷磚畫藝術,種種皆揉台中西文化。

(1)沙田﹕藍鳥葡國餐廳

澳門有好多特色葡國菜、獨創澳門菜,揉合廣東菜,包括葡國腫、馬介休、吐司、豬扒包、水蟹粥、咖哩牛肚等,一日三餐固定進行,當中下午茶會食多士、車仔麵、豬扒包,甚至飲咖啡等。今趟本地澳門遊先帶大家去主打葡國菜式嘅街坊餐廳食吓地道澳門豬扒包,而餐廳更有椰香燴葡國雞、葡萄牙燴鴨、甜辣醬烤豬仔骨、馬介休炒飯、葡式雞翼等葡國菜式。當中澳門經典豬扒包以充滿葡式風格小碟盛載,似澳門街坊茶記,麵包脆口,豬扒包內有厚切豬扒,煎得香口而有肉汁。

延伸閱讀﹕沙田新開葡國菜街坊店 屋邨商場歎脆脆澳門豬扒包/雞髀扒飯/焗豬扒飯

(2)小西灣﹕歌連臣角黑角頭碉堡

今次先帶大家走入小西灣,盡頭海岬處有一個好有特色嘅「大電視」碉堡,由於探射燈碉堡狀似寬屏幕大電視,所以近年係唔少人打卡熱點。沿海邊小徑再上山,可以去埋英軍二戰發電站,頹廢感滿滿。而碉堡遺跡位置配合海灣,似足毗鄰大西洋海岬嘅葡萄牙羅卡角,海邊亦有幾分似澳門黑沙龍爪角海岸徑,可輕鬆步行到達。

延伸閱讀﹕歌連臣角夏日懶人路線 直闖黑角頭碉堡舊軍事建築探險

(3)石澳﹕石澳大街

澳門南邊有一個小鎮叫路環,整個路環市區有南歐韻味,最有特色嘅除咗葡撻,就係路環彩虹屋。而香港亦有彩虹屋,位置就係石澳大街內,一排排五彩繽紛小屋,充滿歐陸小鎮感覺。

延伸閱讀﹕石澳絕美歐陸小鎮 情人橋+天空之鏡打卡

延伸閱讀﹕【逆線而行】屯門有四面佛? 藍地水塘翠綠版天空之鏡 夢幻彩虹欄杆打卡

(4)屯門﹕龍鼓灘

澳門南邊有著名嘅黑沙海灘,全長逾千米,呈半月形,水質清澈,因沙粒全為天然黑色而聞名,非常獨特,為「澳門八景」之一,澳門黑沙海灘曾被稱為「大環」,其後被唔少香港遊客稱為「黑沙灣」。黑色沙粒係受海流影響,來自次生礦海綠石,因海浪沖刷岸邊形成。而香港其實都有一個黑沙海灘位於屯門,係黃昏觀賞夕陽之地,黑沙海灘位於龍鼓灘,雖然靠近大型發電廠,空氣、水質一般,但背山面海,沙灘同樣狹長而呈半月形,尚且可媲美澳門黑沙海灘。

延伸閱讀﹕港版黑沙海灘打卡 5分鐘直上龍鼓灘瞭望台睇超靚夕陽

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


鄰近車公廟!沙田大圍廢校轉化綠色空間 環保博物館將藝術融入生活
全港3間分店!復古裝潢還原屋邨走廊賣懷舊點心 老馮茶居不如用一款點心單飛?
藜麥紅白米飯配滋補燉湯 大角嘴$48健康港式便當
荃灣清靜秘密花園 大會堂劇院咖啡店歎下午茶
大角嘴街坊刺身壽司專門店 丼飯全日供應最平$40
元朗錦田路邊大排檔毗連公園街市 超高水準街坊醉雞麵/海南雞飯回頭率高
荃灣人氣新式大排檔旗艦店 與時並進改良舊餸菜吸斯文客人?
石崗軍營賞楓!雷公田起步遊200年歷史甲龍古道 直搗川龍家樂徑眺青馬/昂船洲大橋【秋季紅葉2021】
大角嘴高水準台式手工芋圓店月底將結業 滿$100送2件芒果糯米糍
【年糕巡禮2022】新年最黃賀年糕點完整名單!近50間港九新界實體店連網店年糕蘿蔔糕即刻預訂!
野餐隨行【大嶼山及離島篇】有View有草地!全港100個近鬧市近食肆安心野餐點 梗有一個喺左近!
野餐隨行【港島篇】有View有草地!全港100個近鬧市近食肆安心野餐點 梗有一個喺左近!
野餐隨行【新界篇】有View有草地!全港100個近鬧市近食肆安心野餐點 梗有一個喺左近!
野餐隨行【九龍篇】有View有草地!全港100個近鬧市近食肆安心野餐點 梗有一個喺左近!
荔枝角程班長台灣美食宣佈即將結業 台灣味牛肉麵營業至3月!
露營地全禁?赤徑藏荒廢小教堂!西貢東100%瀝青路穿越鹹田灣+西灣沙灘