【美國偽旅行】穿越邁亞密探索海量棕櫚樹 港版千島群島景觀開揚 爽歎美式口味漢堡Comfort Food

[sig_post_pv label=””] 個人瀏覽過





今趟編輯帶大家去一次本土式嘅美國偽旅行,由正宗美式口味嘅漢堡包為起點,品嚐吓美式Comfort Food,穿過近期被稱為「港版邁阿密」嘅影相熱點,再走到「港版千島湖」,拍拖兩個人不妨玩吓一日遊搞搞新意思啦!

(1)梅窩﹕Southside Lantau

由中環去梅窩,船程最快35分鐘,發掘吓正宗美州南面嘅正宗Comfort Food。離碼頭不遠處有一間以烤雞、漢堡、炸魚等為主題嘅小店,美州風格漢堡同港式漢堡包絕對係兩碼子事。店內更有招牌烤雞,以美式香料、香草醃製過,慢烤雞肉特別皮脆肉嫩,最平烤雞髀亦只係$30/隻。

延伸閱讀﹕梅窩鮮為人知秘店Southside Lantau招牌香草脆皮烤雞 最平$30/隻雞髀!

(2)屯門﹕屯赤隧道浩和街

乘搭大嶼山巴士3M折返東涌市中心,車程約30至45分鐘,再轉乘巴士路線E33,於屯門赤鱲角隧道轉車站落車,車程約45分鐘,再步行約30分鐘過去。靠近美國佛羅里達州嘅邁阿密,為美國東南部最大都市圈,離香港約8千9英里,係目前難以到達嘅地方。不過,本土都有一個大受歡迎嘅人氣景點,荒涼之地瞬間變成熱門地點,盡享270度海景之餘,亦有翠綠大草坪、海量棕櫚樹,椰林樹影似足美國邁阿密風景,對於想拍攝偽旅行照片嘅情侶們就要行吓啦。

延伸閱讀﹕夏日路線!屯門李小龍電影拍攝地現七色彩旗秘境穿越西藏 走訪屯赤隧道「港版邁阿密」人氣景點

(3)屯門﹕千島湖

乘搭巴士折返新屯門中心只需5至10分鐘,可轉乘巴士路線59X,於屯門公路轉車站落車,車程只係15分鐘,再步行10分鐘到達小欖村入口。直上千島湖觀景台需時1小時左右,最理想係黃昏日落時候到達觀景台,觀賞夕陽下嘅千島湖後,再走1小時可以返回元朗方向。位於北美洲嘅千島群島,擁1865個小島,最大有100平方公里,最細僅有少量礁石,部份小島有建築物,需要坐船出入。而本土嘅千島湖則位處屯門至元朗之間,山崗上可瞰整個千島湖,小島為墨綠色,邊緣狀似黃沙,翠綠而飽滿,加上大欖涌水塘景觀,湖光山色似山水畫。

延伸閱讀﹕屯門行到錦田! 逆線行大欖涌水塘 瞰港版千島湖賞大棠紅葉 一條路線直達河背水塘



Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!