[sig_post_pv label=””] 個人瀏覽過
葵芳並唔係一個只有葵涌廣場嘅地方,吓吓立食、快食感覺節奏太急速,倒不如拍拖兩個人去慢食Chill返吓,當中葵芳區內就隱藏咗3間咖啡店,可以週末去飲返杯咖啡呀!
(1)Time Coffee
近月先新開業嘅Time Coffee,係一間蚊型咖啡店,屬微舖模式,無論一般咖啡,定精品咖啡都任君選擇,咖啡豆更有自家咖啡師烘焙。除咗咖啡,亦有貝果、班戟、蛋糕、鬆餅等輕食,比較葵廣立食,感覺更Chill。
延伸閱讀﹕精品咖啡店Time Coffee進駐葵芳 全新薄荷綠蚊型咖啡店角落小確幸
(2)VII Drip & Brew
唯一位於工業區內嘅VII Drip & Brew,開業幾年都保持低調風格,四周都比較荒蕪,偏偏隱藏於工廠大廈之間,炮製一杯又一杯咖啡,更有精品咖啡可擇,菜式同一般Cafe差唔多。
(編按﹕該咖啡店於2021年10月已經宣佈結業,更新自2021年11月。)
延伸閱讀﹕樓底特高藏巨型機械人壁畫 葵涌工業區一杯寫意咖啡滲出北歐藝術氣息
(3)牧羊少年咖啡茶酒館
靠近葵青劇院嘅牧羊少年咖啡茶酒館,係牧羊少年咖啡館系列嘅分店之一,Weekend午市套餐由$88至$108,以意粉、飯為主,當中有拿破崙蕃茄鮮菌菇長通粉$88、鮮忌廉鮮菌煙三文魚意大利粉$98,意粉水準似乎比其他分店好少少,而套餐包飲品,免費嘅飲品除咗咖啡或茶,如凍檸茶,當中冰果茶內含水果,有鮮橙片、蘋果片,略帶酸甜。