【#黃店巡禮】深水埗 Cafe Hopping
Cafe 咖啡店,  兩個人醫吓肚,  區區有良心

【黃店巡禮】Cafe Hopping! 7間深水埗大街小巷本土簡約咖啡小店

個人瀏覽過





顧名思議,Cafe Hopping 意思就係一間接住一間咁去飲好幾間咖啡,其實就好似hopping一樣,從一間咖啡店跳到下一間,恍如你去海島去參加Island Hopping跳島,由一個島跳到下一個島。而深水埗曾經被英國雜誌《Time Out》選做全球最型社區第3位,而深水埗咖啡店亦絕對係多如繁星,最好係挑選大眾唔太留意到嘅咖啡店,環境都比較清靜舒服,情侶拍拖去都非常適合。

(1)Will’s Coffee

區內有一個咖啡小角落,雖然只係微舖模式,但有少量座位,可以兩個人坐低歎杯咖啡。呢間小店Will’s Coffee以咖啡為主,食物為副,輕食僅有幾款Bagel,內餡加入唔同種類餡料。而咖啡則有10幾款可供選擇,同時有售賣咖啡豆,咖啡味香濃,順滑而醒神。

延伸閱讀﹕深水埗微舖高水準咖啡角落 Bagel三文治多重餡料配搭新鮮

(2)moono 合舍

另一間係匿藏於合舍內嘅moono,由網店開到實體店,以純素蛋糕、咖啡為主,適合生酮飲食嘅人,部份不含麩質、牛奶,款式唔多,但無論純素卷蛋糕、純素Macaroons、純素法式撻等都屬輕盈之選。而合舍則為共用空間,係由藝術家開設嘅小型文藝創意空間,內有展覽、文學雜誌、書本、手作產品。

延伸閱讀﹕深水埗超輕盈100%純素甜點 限定玄米茶溝Latte似足日式抺茶

(3)跑緣

對比其他咖啡店,食物上較有質素,店內以跑步為主題,無論係牧師店主抑式用餐客人,都係熱愛跑步之人,話題一直都係圍繞運動,而食物亦配合運動人士,當中雞髀飯亦特別採用無激素雞髀,保證可以食得健康,愛好運動之人絕對不能錯過。

延伸閱讀﹕深水埗低調跑友部落結合跑緣 超健康「飛毛腿」醫肚兼學養生跑

(4)openground

與Moono合舍位處同一條街道上,同樣係一個共享空間,分別在於藝術、咖啡店同處一個環境內,並無分隔,而食物則同一般咖啡店大同小異,但上層係一個可以充當自修室或工作室嘅地方。

延伸閱讀﹕深水埗大南街咖啡店共享空間 設計藝廊真係值得睇?

(5)小房子

位處openground隔壁,原址位於油麻地唐樓,現時於深水埗同樣設有兩層樓,貫徹乾花為主題,加插日式風格設計,食物亦以日式料理為主,水準上可圈可點,座位雖然未必一定舒服,但亦係一間可以隨意休息嘅小店。

延伸閱讀﹕深水埗兩層高小房子繼續賣雪山多士 新舊店大有不同?

(6)Lonely Paisley

呢間係7間當中相對明顯有打卡位嘅Cafe,以異國風為主調,門口已經擺放3大張Tapchan,有濃厚土耳其風格,配合食物更有中東風格,適合愛好打卡影相嘅情侶們。

延伸閱讀﹕深水埗異國風Tapchan大毛毯進餐 實試土耳其知名甜品+伊朗青檸玫瑰水

(7)Dog99 Coffee

最後一間係離上述6間比較遠嘅3條9咖啡店,靠近太子,亦係全區、甚至全港唯一24小時營業嘅咖啡店,方便居民隨時隨地飲杯嘢,即使夜晚想飲嘢,亦未必一定要去酒吧飲酒,可以去飲咖啡,甚至無咖啡因飲品。

延伸閱讀﹕即興飲杯嘢!深水埗街角尋寶 驚現全區唯一24小時營業咖啡店

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!