【區區有小店】梅窩3間秘密外國風小店 有1間係隱藏版便利店

[sig_post_pv label=””] 個人瀏覽過

 

 

 

 

梅窩係少有連接海陸交通嘅離島區,聚集較多外國人,而區內良心小店唔多,大家僅記要為整場運動堅持落去,勿忘初心,以下3間小店係比較少人留意到嘅,事實上多留意區內小店,比只睇人氣店更有價值,更適合貼地情侶拍拖兩個人去溜連吓。

(1)Caffe Paradiso

第1間梅窩小店係靠近梅窩碼頭嘅Caffe Paradiso,由外國人主理,店名為意大利文,而老闆則曾接受BBC訪問。於訪問中提及開Coffee Shop係想Work Life Balance,直指香港人生活忙碌。店內咖啡水準不俗,品種眾多,而食物亦以輕食為主,選擇有唔少,店內更隱藏一道藝術畫廊呢!

延伸閱讀﹕賣靚啡撐本土 梅窩海邊咖啡店Caffe Paradiso 軟包似upgrade版「豬柳強」?

(2)Southside Lantau

另一間極少人留意到嘅係Southside Lantau,鄰近梅窩銀灣邨,客人大多為外國人,菜式則以美國菜為主,招牌貨色為烤雞,既有得散叫,亦有小食套餐可擇,想試最平烤雞嘅話,可以揀$30隻烤雞髀。

延伸閱讀﹕梅窩鮮為人知秘店Southside Lantau招牌香草脆皮烤雞 最平$30/隻雞髀!

(3)迦南便利店

第3間並唔算係食店,係一間便利店,以大嶼小聚命名,又叫迦南便利店,離市中心只係幾分鐘步程,正對Southside Lantau。不過,小店售賣嘅大多都係食品,包含蔬果、糧油雜貨、蛋糕烘焙、酒、咖啡、茶、健康食品、環保用品、布料等。

延伸閱讀﹕梅窩隱藏街坊便利店 大嶼小聚糧油雜貨健康食品超抵買!



Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!