【區區有小店】沙田河畔有好嘢食! 沙田圍巴士總站附近3間隱藏小店

[sig_post_pv label=””] 個人瀏覽過

 

 

 

大多人去沙田都會揀去沙田市中心,沙田河嘅另一邊就比較少人去,其實同樣靠近沙田河畔嘅沙田圍都有唔少好地方,更有唔少隱藏於住宅下嘅小店,值得拍拖兩個人去醫吓肚。

(1)Cafe Koinonia

第一間必食之選一定係Cafe Koinonia,藏於圓洲角之內,咖啡店滿滿文青味,食物同樣以輕食、咖啡為主,款款即叫即整,唔交行貨。最特別係咖啡採用明治鮮奶製作,編輯推介新鮮烘烔嘅牛角包,入口層層酥脆,麵包溫暖軟熟,餡料充足,層次豐富。咖啡既有拉花圖案,奶味平衡,咖啡味香濃,入口順滑。

延伸閱讀﹕沙田圍文青Cafe藏日式包廂 焦糖瑪琪朵香甜不膩

(2)越男仔

另一間係以越南菜為主嘅越男仔,門口芥末黃幾搶眼,設計偏新派風格,混合越南傳統設計。菜式有越式同港式Crossover嘅感覺,比如軟殼蟹沙嗲粉絲大脆包,大大份,充滿視覺效果,以外脆內軟大麵包作器皿,加上濃味軟殼蟹、淡味嘅粉絲,味道不過不失。

延伸閱讀﹕沙田圍越南菜味道偏鹹 芝士蝦多士唔流心?

(3)小甜將

而小甜將就係適合去食飯後甜品嘅街坊糖水舖,同樣靠近圓洲角公園同沙田圍巴士總站,有中西糖水甜品,款式大眾化,符合香港人口味。各款甜品價錢合理,當中招牌有原個椰皇燉北海道3.6牛乳楊枝甘美露,層次豐富,有芒果粒、楊枝甘露、小丸子,更有燉奶、椰皇肉,滑溜中有咬口,香甜不膩。

延伸閱讀﹕沙田河畔街坊糖水舖 平價飯後甜品



Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!