【黃店巡禮】尖沙嘴 3間 文青Cafe 寫意下午茶
Afternoon Tea,  兩個人醫吓肚,  區區有良心

【黃店巡禮】尖沙嘴3間必去文青Cafe 間間悠閒寫意 歎少女打卡下午茶

個人瀏覽過



尖沙嘴區內有唔少文青咖啡店,一間又一間開到「梗有一間喺左近」,間間文青Cafe都可以打卡,逐間去真係會好唔得閒,今次編輯就為大家推介3間歎吓下午茶嘅文青Cafe,方便拍拖兩個人去醫吓肚兼影吓相!

(1)Courage Eighteen

第一間係位處尖東嘅Courage Eighteen,呢間Cafe並非擁優越地理位置,反而處於近年人流極少嘅死場之內,商場一片沉寂,但咖啡店竟然客人一個接一個!小店餐飲管理唔錯,年輕店員都話頭醒尾,食物以輕食、咖啡為主,既有All Day Breakfast,亦有Bagel,價錢尚算合理,份量十足。室內氣氛悠閒,咖啡香濃厚,入去歎個下午茶夠晒寫意!

延伸閱讀﹕尖東死場驚現文青咖啡店 藍莓味貝果勁煙韌

(2)Shhh Café & Studio

第二間係最靠近彌敦道、廣東道嘅Shhh Café & Studio,早前於疫市開業,Shhh意指to be quiet或噓,環境清靜,適合想放空兼醫肚嘅朋友。室內以純白、乾花設計,似足小花園,小店同一般文青Cafe一樣以All Day Breakfast、Spaghetti為主之餘,更有招牌之一嘅手打牛肉漢堡,下午茶時間配搭帶酸味嘅特調咖啡、原壺花茶更Chill!

延伸閱讀﹕Shhh!尖沙嘴全新乾花系Café 爆汁手打牛漢堡 周末放空歎咖啡兼玩工作坊

(3)花香Floom Floom

第三間係最典型嘅少女Cafe,位於K11商場內,既有Cafe款式嘅食物,亦不時有港女下午茶款式嘅三層架下午茶,毋須去酒店都可以歎吓下午茶。而小店嘅下午茶大多都係飽肚款式,以Fusion菜為主,款款小食、輕食、甜品都帶有台式、日式、港式風格,甚有新鮮感。一隅更有超IG-able嘅少女心形打卡牆、粉色霓虹燈字句,Girls’ Talk之餘亦可以影吓相呢!

延伸閱讀﹕尖沙嘴K11 Afterfloom花香下午茶10:4比例失衡? 台式鹹點超飽肚 法式卡通蛋白餅萌爆!


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!