2021賞花地圖預告
2021賞花地圖,  兩個人影吓相,  焦點熱話,  限定活動

【2021賞花地圖】春天花季預告!櫻花/紅花風鈴木/藍花楹最完全攻略 必睇20種花卉花期+開花地點



春天又到啦!武漢肺炎疫情於香港持續一年,政府堅持唔打擊源頭,只以疫情打壓異己,令疫情至今仍然未能受控,本地人直至今年依舊無辦法去旅行,正值賞花季節,但連去外地賞花嘅機會都被剝削。好彩,本地都有唔少地方可以賞花,好多本地公園都係絕佳賞花地點,今次記者就先為大家推介每種花卉嘅最佳賞花地點同開花日子啦,最啱兩個人拍拖去影吓相,以下賞花情報大家絕不能錯過!

1. 櫻花

本地公園嘅櫻花大多係鐘花櫻桃、富士櫻,部份1月下旬已經有,不過大多於2至3月盛放,而花期多數只限約兩星期,想睇就要捕捉準備時間啦!

預計花期﹕3月至4月
預計開花地點﹕嘉道理農場、將軍澳單車館公園、長洲關公忠義亭、大帽山扶輪公園、中文大學、鰂魚涌公園、大埔海濱公園、香港科學園、沙田石門安景街公園



2. 吊鐘花

預計花期﹕1月至3月上旬
預計開花地點﹕鹿湖郊遊徑、紫羅蘭山徑、大埔林錦公路、獅子山、西貢東的郊野公園、孖崗山

3. 黃花風鈴木

每年3月至4月,南昌公園都會形成一片黃海,絕對係黃到金之地,一片黃花既可配合青翠草地,更配合中央石仔路。黃花風鈴木同櫻花一樣,花期大概只有兩星期左右,需要特別留意開花時間。

預計花期﹕3月上旬至3月中旬
預計開花地點﹕南昌公園、下山區、半山區、香港仔海濱公園 、啓德郵輪碼頭公園 、九龍灣公園、湖山單車公園

4. 紅花風鈴木

紅花風鈴木花期只有約十多日,大家亦需要抓緊時間追花呀!

預計花期﹕2月下旬至3月
預計開花地點﹕粉嶺中心行人天橋、葵芳邨、深水埗公園

5. 洋紫荊

預計花期﹕2月至3月
預計開花地點﹕九龍仔公園、鰂魚涌公園、大埔海濱公園

6. 木棉花

預計花期﹕3月至5月
預計開花地點﹕元朗石崗軍營木棉夾道、鯉魚門公園、龍翔道公園、大坑東遊樂場、麗閣村東京街和荔枝角道交界行人天橋、維園往香港中央圖書館的行人天橋、香港公園、荔枝角公園

7. 藍花楹

預計花期﹕3月至5月
預計開花地點﹕馬鞍山遊樂場、沙田公園、東涌北公園、維多利亞公園、嘉道理農場、太古廣場三期旁小斜坡、星街斜坡上、香港大學本部荷花池旁(即邵逸夫樓前方)、沙田中央公園

8. 藍花藤(錫葉藤)

預計花期﹕3月至4月
預計開花地點﹕下山區、嘉道理農場

9. 桃花

預計花期﹕3月至4月
預計開花地點﹕青衣公園

10. 杜鵑花

杜鵑花另有簕杜鵑花品種,最出名係元州邨內30米長嘅簕杜鵑花隧道,樹枝橫生,花卉形成天然拱形建築,每年都有唔少少女去呢條公共屋邨打卡。

預計花期﹕3月至4月
預計開花地點﹕馬鞍山公園、元州邨、下山區

11. 白花羊蹄甲

預計花期﹕3月至4月
預計開花地點﹕九龍公園樹木研習徑

12. 宮粉羊蹄甲

預計花期﹕3月至5月
預計開花地點﹕美孚饒宗頤文化館、櫻桃街公園、香港單車館公園、啓德郵輪碼頭公園、沙田公園

13. 繡球樹

預計花期﹕4月至5月
預計開花地點﹕香港公園、香港動植物公園、大埔海濱公園、沙田公園、山頂公園

14. 台灣相思

預計花期﹕3月至5月
預計開花地點﹕舂坎角公園、京士柏休憩花園、九龍仔公園、屯門公園

15. 節果決明樹

預計花期﹕4月至5月
預計開花地點﹕美利酒店

16. 雞蛋花

雞蛋花有唔同品種,平常大多會見到白花、紅花,前者花色白而中央黃,後者就係花色偏粉紅或紅紫色,雞蛋花嘅花語係孕育希望,有復活、新生之意,雞蛋花出現,代表對未來充滿美好期望。

預計花期﹕3月至9月
預計開花地點﹕香港仔海濱公園、金鐘花園、鰂魚涌公園、大埔海濱公園

17. 鳳凰木

鳳凰木花語係離別、思念,鳳凰木同時有成功同開始之意,樹葉同有藍影樹之稱嘅藍花楹相似。

預計花期﹕6月至8月
預計開花地點﹕新界區、南灣泳灘、屯門公園、維多利亞公園、廣福橋畔、屯門公園、維多行亞公園

18. 太陽花

預計花期﹕6月至8月
預計開花地點﹕元朗新田、嘉道理農場、大埔海濱公園

19. 鳳眼藍

預計花期﹕6月至11月
預計開花地點﹕錦田逢吉鄉

20. 美人樹

預計花期﹕10月至2月
預計開花地點﹕香港動植物公園、青衣公園、南蓮園池、青田遊樂場


E.A.Tips :

(1) 我哋會密切留意每個地點嘅開花時間,Like我哋Facebook會更快知道邊度已開花呀!

(2) 謹記愛護環境,自己垃圾自己帶走。

(3) 愛惜花草,唔好任意採摘或踐踏。

(4) 尊重他人,要守秩序,唔好爭位影相,有技巧嘅人任何地方都可以影到靚相,無技巧嘅人爭靚位都唔會影到靚相。

(5) 不妨於地上執拾花落後嘅花朵作近鏡拍攝,效果亦不俗。


(6) 受氣候影響,花期或會提早或延遲,


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象
【野餐隨行】隨手買午餐登灣仔半山!跑馬地箕璉坊藏配水庫大草地緩跑徑
招牌豬骨煲材料充足滿口骨膠原 大角嘴靚煲皇賣高水準火鍋餐
舊店傳承!灣仔70年老字號小食店細舖搬大舖 年輕人接手重現臘味糯米飯/港式街頭小食
愉景灣小歐洲度假風情 大嶼山稔樹灣菲人村旁藏長沙欄無人沙灘