聽講呢間拉麵店突然開咗好多分店，鍾意嚐鮮嘅小編當然要試一試。不過食過日本嘅拉麵，喺香港食拉麵其實有少少唔公平，超愛食拉麵嘅小編， 因為香港點整都無可能好似日本咁好食，以香港為標準會公道少少嘅。
豚骨拉麵味付玉子$75
+$10加咗2隻日本半熟蛋，隻蛋好味，小編好鍾意食半熟蛋，蛋汁未凝固嗰陣最好味，既有少少流心蛋汁，算有蛋味，但略嫌唔夠溏心，質感滑溜度一般，隻蛋一定要趁早食，擺得耐會變熟蛋架啦。
蝦味噌套餐 $115
除咗拉麵，仲有小龍蝦蟹籽沙律同餃子。
蝦味噌拉麵
基本上豚骨拉麵同蝦味噌拉麵差唔多，只係多咗櫻花蝦喺上面，呢碗就多咗樓花蝦香味，鍾意蝦嘅不妨試試。豚肉厚度可接受，唔算好薄，咬落軟腍度一般，只係唔算韌唔難咬。拉麵一般，唔夠爽口、彈牙，湯底比較稀，豚肉湯底味唔夠濃郁。
小龍蝦蟹籽沙律 都有6塊紫菜，夠包架啦，食之前食幾醒胃，有好香蟹籽味，沙律唔膩，每一塊紫菜包少少蟹籽已經好滋味。
餃子4隻 入面豬肉唔多唔少，表皮亦唔厚，餃子外形包得唔錯， 煎一煎幾香口，咬落口都有少少肉汁溢出，煎完食落唔算油膩。
兩個人食兩碗拉麵加小食都足夠，牆上仲有好多香港人嘅留言，原來呢間良心食店嚟，拍拖搵食時，點都要支持吓呢啲食店嘅 。
博多拉麵別天神
地址﹕北角書局街22號地下
營業時間﹕12:00 – 15:30；18:00 – 22:30
電話﹕3488 1330
在〈日式博多拉麵分店多 套餐較抵食〉中有 2 則留言
留言功能已關閉。