榕基滷水專門店1992
中菜,  兩個人醫吓肚,  和你Taste

大埔近30年滷水專門店 $58街坊價食滷水獅頭鵝



大埔呢間近30年歷史嘅滷水店,近年由年輕人接手,門口可望到店內掛住一隻隻金黃色嘅滷水鵝,貌似潮式,但餐牌內嘅食物就似中西合璧,包含台式麻辣鴨血拼豆腐、2至3人份量嘅法國鵝肝,大多偏冷盤,拍拖可以去斬料叫吓外賣增強新鮮感。

必食嘅一定係滷水鵝,既可叫套餐,亦可叫例牌、一庄、半隻至一隻,先叫適合兩個人份量嘅招牌滷水獅頭鵝例牌 $74 ,排列整齊。獅頭鵝果然有一定水準,滷汁內嘅花椒、八角等藥材、香料滲透於鵝肉內,幾清香,鵝肉嫩滑唔嚡口,滷汁輕鬆上色,有鵝肉鮮味,稍有油光,幾乎無舊都有皮下脂肪,略有肥膏,但油味、鹹味唔算重,鵝味唔會被滷水味蓋過,只係未知外賣同堂食係咪有大分別,滷香味似乎未足夠。

另有套餐選擇,由最平$38至$58,$58為一人份量招牌滷水獅頭鵝套餐,包含主食、飯麵、小碟,滷水金錢牛展拼豆腐$48、加$2鮮鵝油撈麵糖脆炒花生魚仔,主食大多為滷水,更有秘製川麻辣汁。鮮鵝油撈麵配搭新鮮,不過外賣後麵底會容易黐埋一舊,需要加添滷水汁令麵條鬆散,拌麵後略有鵝味,但記者認為都係白飯配滷水比較恰當。

至於牛展稍薄,夠軟稔,有咬口,但相比鵝肉未咁入味;而厚切豆腐有豆香,夠滑嫩,本身味道極淡,但可吸收滷汁味道,至於小食糖脆炒花生魚仔入口微甜,花生魚仔輕脆,幾開胃,份量較少,但適合佐飯。


E.A.Tips﹕

(1)巴士路線 71K,72X,73X,263C,271,271B,271P, 272X,64K,74B,74D,74K,74X,75K 、小巴路線26A,806A,806B,20A,20B,20C, 20E,20K,20R,20S,26,28K,501S 都可到達廣福道。

(2)小店只收Cash,無電子支付系統。

(3)最平有$20滷雞翼豆腐飯,亦有$168-188限定抗疫二人餐,包含例牌招牌滷水獅頭鵝、2款滷水小食、2款飯或麵、上湯浸時菜、2款飲品。


延伸閱讀﹕蝴蝶山有蝴蝶? 晨運路線眺新界北風景

延伸閱讀﹕粉嶺行到林村 攀登北大刀屻林蔭天梯兼電塔底打卡

榕基滷水專門店1992

榕基滷水專門店 1992

大埔廣福道103號地下C號舖
11:00 – 20:30
6765 1145

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足