Shahrazad Lebanese Dining Lounge & Bar
兩個人醫吓肚

中環樓上酒吧高質黎巴嫩菜 環境清靜最啱飯聚



    呢間係好適合食生日飯嘅餐廳,有朋友介紹去呢間樓上酒吧餐廳,位置喺中環蘇豪區,主打黎巴嫩菜,食物品質真係好有意外驚喜,店員個個好細心,兩個人去呢間餐廳,環境好清靜,餐廳唔多人,就算一直有客人入嚟,啲客人都係比較高質,唔會大聲講、大聲笑,大部份客人都係外國人。

    Waiter同waitress都好歡迎客人入內,唔似普通中式餐館,食物質素好高,好味又驚喜。

    Shahrazad signature cocktails –shahrazad $115
    揀咗呢杯specialized cocktail,味道好清爽,包含椰子、菠蘿、柑橘、dark rum 蘭姆酒、咖啡。

    Non-alcoholic drinks $65
    唔飲得酒精就叫咗杯fruit punch,只係一杯普通fruit punch,略嫌多冰咗啲。

    Stuffed potato $85
    碟上有一舊舊小薯仔,每舊薯仔內餡都塞滿minced meat同新鮮芫荽,薯仔質感細軟綿密,蘸吓啲醬汁好開胃。

    French fries $102
    薯條外脆內軟,好香口,薯仔特別同芝士、千島醬、茄汁同mayonnalse sauce配合。

    Spinach sambusek $75
    即係香煎餃子,餃子內餡滿滿菠菜,入口好開胃,係一碟good appetizer。

    Chicken ala tork$178
    強烈推介呢碟雞肉飯!Miss A同Mr E都覺得呢碟係最好味同最出色嘅一碟,碟中有半隻雞,雞內塞滿飯粒同nuts,伴菜有炒過嘅菜,仲有herbs作點綴,所以聞落好香,入口亦有種herbs嘅香味,飯粒香軟,充份吸收醬汁味道。

    Rice pudding $70
    小編都要大讚呢款甜品,Mr E本身唔鍾意食甜品,但都有食,甜味唔多,整個甜品都係好似糯米飯粒製成,加上fresh cream同牛奶撈勻,表面仲有啲nuts點綴,旁邊有蜜糖同核桃,兩者都好配合呢款rice pudding,令口感層次豐富。布甸入口唔算甜,甜度剛好,質素好高。

    餐廳適合拍拖食飯,似高級餐廳,絕對唔失禮。

    Shahrazad Lebanese Dining Lounge & Bar
    地址﹕中環雲咸街75-77號嘉兆商業大廈2樓
    英文﹕2/F, Carfield Commercial Building, 75-77 Wyndham Street, Central, Hong Kong
    營業時間﹕12:00 – 02:00
    電話﹕2330 0242

    延伸閱讀﹕太子酒吧歎高質晚餐 有驚喜值得Encore

    延伸閱讀﹕大阪過江龍人氣拉麵店抵港 全港獨有鯛魚湯

    Δ 版權為E.A.Two 兩個人醫吓肚所有,歡迎轉貼連結,勿全篇文章轉載

    Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


    樓上咖啡店自選高水準五品料理!旺角西洋菜南街神秘角落點只賣咖啡綠茶
    【野餐隨行】大埔商場便攜素食便當/一口雲吞蝦籽麵 元洲仔全海景公園Chill住歎咖啡
    上水Homy Cafe 9月尾結業 咖哩雞扒香口惹味 上水千萬公廁旁小公園野餐
    【野餐隨行】上水罨耷微舖小食醬汁乃精華所在 市中心野餐地有枱有櫈兼參觀豪華公廁?
    太安樓起家!筲箕灣東大街人氣雪糕班戟 暖笠笠法式甜品配涼浸浸雪糕球 歎埋消暑雪頂茶飲啖啖舔舔脷
    近大潭水塘!陽明山莊僅存殖民時代皇冠電話亭 紅噹噹包廂懷舊味濃
    【野餐隨行】油麻地一級歷史建築鬧市空中花園野餐 神秘台式廚師發辦$100有找!
    【野餐隨行】石硤尾池畔叢林小餐廳歎日式超靚便當 街角文具店兼賣醉雞麻醬蕎麥麵
    大角嘴迷你威尼斯西餐廳Risotto出色 中西合璧加臘味賣Fusion?
    【野餐隨行】小西灣角落港式下午茶 鬆軟夾餅拼金黃雞蛋仔粒粒飽滿
    大角嘴海南雞專門店外賣孖寶套餐人均$79 除咗雞飯重有乜?
    【邊境一日遊】尖鼻咀濕地5分鐘登龜山眺后海灣 沙橋村蠔殼田絕美夕陽餘暉
    大隱隱於市!尖沙嘴鬧市藏維多利亞時代百年歷史建築物 遊走法定古蹟探視紅磚遊廊金字瓦頂
    【野餐隨行】長洲歎人氣沙嗲牛米通 堤邊樹蔭全海景野餐 甜品有炸芒果糯米糍!
    採環保餐盒+餐具!土瓜灣舊區鐵路便當地道台式口味 3款配菜期期轉換主食足料
    【野餐隨行】元朗11款人氣名物瀑布蛋治有咩特別?大棠燒烤場變草地野餐場