粉嶺4條易行山徑
兩個人影吓相

粉嶺必揀4條低難度行山路線 觀賞古蹟兼無遮擋絕美夕陽靚景

瀏覽次數:2472
個人瀏覽過



新界北區環境不俗,向來都係行山好去處之一,而當中粉嶺亦係熱門地,今次為大家推薦幾條容易行嘅路線,既可舒展吓,又可以睇靚景兼打卡,而且難度唔高嘅地方,兩個人周末拍拖閒遊非常適合,記者特別由所需最低體能嘅路線開始,方便讀者選擇。

(1)鹿頸、鳳坑、谷埔

可能有人質疑鹿頸都叫最低體能?其實呢條路線的確係完全零難度,因為係由鹿頸行到鳳坑、谷埔,路段全程平坦易行,基本少見上落位,只有幾級樓梯。沿沙頭角海邊走,人影唔多,既可睇紅樹林,亦可睇蘆葦花田,更有三級歷史建築,最特別係邊境海岸可以欣賞無遮擋日落景觀!

延伸閱讀﹕沙頭角邊境遊! 賞紅樹林/蘆葦花田/童話村夢幻場景 一文輕鬆遊走鹿頸鳳坑谷埔

(2)流水響水塘

另一條路線係比較多人選擇嘅流水響水塘,路段同樣平坦易行,只有少量上落,可以散步,亦可以野餐。流水響水塘有香港小桂林之稱,蔚藍天空,樹影婆娑,彼岸有唔少獨特品種樹木,湖面靜止得令人心情都有片刻寧靜,最特別係手殘都可以喺呢度輕鬆拍攝天空之鏡。

延伸閱讀﹕綠意盎然 流水潺潺 「香港小桂林」流水響水塘最啱野餐露營

(3)皇后山印度廟

而第三條路線係難度上可圈可點、屬三級歷史建築嘅皇后山印度廟,有人覺得好難搵,有人就話好易搵,要搵隱居山上嘅印度廟其實不難,由入口開始行2分鐘就可以到達,反而皇后山軍營就比較複雜,小山頂被樹林包圍,而且全為山路,唔跟絲帶路比較難繼續前進。

延伸閱讀﹕皇后山隨時行足2小時? 教你2分鐘去到印度廟

(4)蝴蝶山

第四條路線係相對比較需要體力嘅蝴蝶山,從粉嶺市中心可以步行過去,亦屬4段當中最接近市中心嘅路線。路段上落比較多,不過全為水泥路,除咗部份陡峭樓梯,大致上都算簡單易行。蝴蝶山可望古洞、新田同對岸落馬洲,既可以去到中段離開,去營盤方向,亦可以直踩到大埔林村方向,路段可自由選擇。

延伸閱讀﹕蝴蝶山有蝴蝶? 晨運路線眺新界北風景

延伸閱讀﹕粉嶺行到林村 攀登北大刀屻林蔭天梯兼電塔底打卡

E.A.Tips﹕

(1)一條路線可以直接由粉嶺市中心行過去,但三條路線都需要轉乘綠色專線小巴,亦可以自駕。

(2)Uber車費來往粉嶺市中心同上述地方,價錢由$60至$100以上不等。

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


鄰近車公廟!沙田大圍廢校轉化綠色空間 環保博物館將藝術融入生活
全港3間分店!復古裝潢還原屋邨走廊賣懷舊點心 老馮茶居不如用一款點心單飛?
藜麥紅白米飯配滋補燉湯 大角嘴$48健康港式便當
荃灣清靜秘密花園 大會堂劇院咖啡店歎下午茶
大角嘴街坊刺身壽司專門店 丼飯全日供應最平$40
元朗錦田路邊大排檔毗連公園街市 超高水準街坊醉雞麵/海南雞飯回頭率高
荃灣人氣新式大排檔旗艦店 與時並進改良舊餸菜吸斯文客人?
石崗軍營賞楓!雷公田起步遊200年歷史甲龍古道 直搗川龍家樂徑眺青馬/昂船洲大橋【秋季紅葉2021】
大角嘴高水準台式手工芋圓店月底將結業 滿$100送2件芒果糯米糍
【年糕巡禮2022】新年最黃賀年糕點完整名單!近50間港九新界實體店連網店年糕蘿蔔糕即刻預訂!
野餐隨行【大嶼山及離島篇】有View有草地!全港100個近鬧市近食肆安心野餐點 梗有一個喺左近!
野餐隨行【港島篇】有View有草地!全港100個近鬧市近食肆安心野餐點 梗有一個喺左近!
野餐隨行【新界篇】有View有草地!全港100個近鬧市近食肆安心野餐點 梗有一個喺左近!
野餐隨行【九龍篇】有View有草地!全港100個近鬧市近食肆安心野餐點 梗有一個喺左近!
荔枝角程班長台灣美食宣佈即將結業 台灣味牛肉麵營業至3月!
露營地全禁?赤徑藏荒廢小教堂!西貢東100%瀝青路穿越鹹田灣+西灣沙灘