2020-08-04
享尖沙嘴270°海景 High Tea歎生蠔/魚子醬/龍蝦湯

享尖沙嘴270°海景 High Tea歎生蠔/魚子醬/龍蝦湯



    Paper Moon 下午茶

    Miss A早前同閨蜜兩個人試試位於尖沙嘴、來自意大利米蘭嘅Paper Moon推出嘅High Tea,呢款Afternoon Tea by The Harbour意式下午茶的確好抵食。

    餐廳有面積寬廣嘅室外陽台,可以欣賞270°醉人海景, 梳化位有大把太陽傘遮擋陽光,坐低歎Tea幾疏乎,無論同閨蜜,定係同另一半拍拖嚟食飯都好適合。同時,亦可以選擇坐入面冷氣間,落地大玻璃設計一樣可以睇維港景。

    Tea Set包含多款精美茶點,鹹甜點都有,食材似乎經過挑選,感覺係平價食高級嘢,同平時食嘅Tea Set差唔多,有6款鹹點同6款甜品,兩個人食絕對足夠。

    今次仲有法國生蠔龍蝦海鮮湯、20g魚子醬招牌Tiramisu,呢個價錢、呢啲食材,齋睇都勁吸睛!

    首先食之前飲杯龍蝦湯,龍蝦湯質感軟滑,味道香濃,略帶鮮甜味,不過略嫌份量太少,之前見其他人食好似用碗裝,而家轉咗用杯裝。

    生蠔來自法國,有淡淡海水鹹味 入口爽甜,將蕃茄放生蠔上面亦係一個新鮮食法,蕃茄汁滲落生蠔度,令生蠔入口有淡淡蕃茄香味。

    鹹點有阿穆爾河魚子醬、水煮法國芬迪奇蠔伴檸檬香草汁、泡沫冰島小龍蝦湯、黑松露牛肝菌撻、煙三文魚青瓜三文治、水牛芝士奶凍伴番茄莎莎醬。

    而矜貴嘅魚子醬亦係驚喜,好少見到tea set會有呢種食物,魚子大小適中,略帶鹹味,幾fresh,拎返去夾麵包或炒飯好似仲正。

    甜品就有招牌意大利芝士餅Tiramisu酥脆蘋果卷鮮果撻朱古力泡芙西西里乳清芝士炸餅卷檸檬杏仁蛋

    另外,蘋果酥皮撻檸檬杏仁蛋糕味道都好清新 至於招牌Tiramisu置於六角形器皿內,上面灑有一層朱古力粉,下面就係蛋糕同Mousse,一羹入口甜而不膩。

    飲品可以揀2杯意大利Illy咖啡/意大利精品茶La Via del Tè,又或者無酒精雞尾酒,甚至可以加$60享用1杯Perrier-Jouet Brut香檳

    Miss A揀咗一杯Mocktail,係士多啤梨味Mocktail,入口微甜,好適合享用完High Tea後解解膩。

    Afternoon Tea by The Harbour 下午茶
    供應時間﹕星期一至五 15:00 – 17:00;星期六、日及公眾假期 15:30 – 17:00 (24-26/12、31/12、1/1暫停供應)
    價錢﹕ $488/2(另收加一服務費)
    可另加$60享用Perrier-Jouet Brut 香檳乙杯

    E.A.Tips﹕最好先電話預約,避免遇上full booking情況

    Miss A同閨蜜歎呢款teaset用咗幾張coupon,原本488/2,harbourcity嘅coupon滿100蚊可以減50蚊,價錢加一之後,用4張可以減足200蚊,最終價錢係$336.8,人均$168.4,真係超抵食!

    Paper Moon
    地址﹕尖沙嘴廣東道3-27號海港城海運大廈3樓OTE301號舖
    營業時間﹕12:00 – 23:00
    電話﹕2156 2256

    Please Like & Follow & Subscribe /
    歡迎讚好、追蹤、訂閱