2020-12-02

渡船角喺邊?《大事件》取景地 八文樓集體回憶係汽笛聲?



翻開地圖,你可能都唔知渡船角嘅位置,實際上渡船角係一個充滿香港歷史嘅地方,而今年渡船角就因新發茶餐廳群組感染武漢肺炎而揚名。

渡船角佔地極細小,近佐敦,屬油尖旺區,該地鄰近來往深水埗區、九龍城區、新界區嘅巴士總站,喺西九龍填海前,曾經有可容納客車兩用雙層渡輪嘅佐敦道碼頭,可來往對岸灣仔區、中環區,不過1996年已停用碼頭,而近年旁邊又興建港鐵柯士甸站, 交通便利,值得兩個人逛吓。

點解叫渡船角?渡船角位置靠近佐敦道碼頭,海面不時有砵砵聲嘅汽笛聲,作用係提醒輪船唔好相撞,汽笛聲雖近民居,但唔會持續好耐,所以好少影響八文樓居民。

渡船角現時有兩幢著名新屋苑,包括The Austin、Grand Austin,不過渡船角最出名嘅係八文樓,又名文華新村,靠近佐敦道碼頭,八文樓來自油麻地小輪倉庫,杜琪峰執導嘅《大事件》亦於此地取景。八文樓位處渡船街、佐敦道交界,原本屬高尚住宅區,比較多中產人士入住,但後來連接廣東道,加上近年多咗南亞裔人士入住,亦多咗烹調咖哩嘅地舖,區內環境複雜,恍如迷你版聯合國。而八文樓直指八幢文字頭嘅屋苑,包括文蔚樓、文苑樓、文英樓、文華樓、文昌樓、文耀樓、文輝樓、文景樓。

目前,已經無乜人記得此地為渡船角,大多叫柯士甸,舊物、舊名逐漸被人淡忘,似足香港文化同司法制度。

延伸閱讀﹕平食自助餐! 普慶餐廳半自助甜品Buffet $120任食10款Mövenpick雪糕

渡船角

地址﹕九龍佐敦以西

Please Like & Follow & Subscribe /
歡迎讚好、追蹤、訂閱

       

One thought on “渡船角喺邊?《大事件》取景地 八文樓集體回憶係汽笛聲?

Comments are closed.