來自台灣嘅手作功夫茶，前年以過江龍姿態登陸香港，由天水圍開到深水埗，都係主打38奶霸、水果茶、珍珠奶茶、芝士奶蓋，最平$17杯，以蜂蜜代替果糖，入口啖啖蜜糖香甜味。
手作功夫茶曾打入台灣《2018百大口碑之星手搖飲料排行榜》第一位，一度為排隊店，為地道台灣茶飲之一。目前，香港已有4、5間分店，據悉店內繼續以高成本優質蜂蜜代替果糖嚟提升甜味，甜度恰好，入口滑順，兩個人夏天拍拖飲一流，非常解渴。
試一杯蜂蜜檸檬蘆薈 $26，可選少蜜、半蜜、微蜜，又或者無蜜，正常甜度都唔會太甜，蜜糖香甜味適當，底下有蘆薈顆粒感，蘆薈份量唔少，但同平時嘅蘆薈質感唔同，介乎蘆薈同椰果嘅質感，檸檬略帶清香，酸甜味令整體味蕾更Fresh。
E.A.Tips﹕
（1）留意手作功夫茶為特許經營，每間舖都會有唔同老闆，並非分店，情況同7-Eleven一樣，所以肯定可以幫襯嘅只係深水埗店、元朗店同顯徑店。
延伸閱讀﹕西九跪低？ 「不忘初心」泳裝漫畫少女被下架 繼續撐同路人 (最新消息：新海報上場！)
手作功夫茶
深水埗長沙灣道262號地下A4舖
11:30 – 00:00
5296 0790
在〈深水埗過江龍茶飲 手作功夫茶蜂蜜替果糖〉中有 2 則留言
留言功能已關閉。