選址中環心臟地帶嘅春陽茶事，上年以過江龍姿態由台北抵港，以招牌黑糖珍珠鮮奶為主打，仲有嚟自南投鹿谷嘅烏龍茶、嚟自南投名間嘅松柏嶺青茶綠茶等，稱以台灣茶葉炮製茶飲，甘香味濃，茶味香醇。夏天熱辣辣，兩個人拍拖時每人一杯冰凍手搖飲品是常識吧！
店內嘅霓虹燈招牌早已聞名台灣，拎住杯茶飲上IG打卡，已經唔只係少女會做嘅事。點選咗兩杯易拉架宣傳品，飲品都有漸層，賣相討好，顏色夠晒搶眼。
熟韻焙茶鮮奶 $36 鮮奶味濃厚順滑，據悉向來係用小農鮮奶，入口比較細緻，而今次唔係珍奶，無黑糖珍珠，以原片茶葉焙煎嘅焙茶，香濃醇厚，茶味夠香，焙茶陳韻入口回甘，啖啖餘韻，茶味有地道感。最緊要將茶飲攬勻先飲，否則第一啖會過甜，攪勻後甜度尚算均勻。
京都抹茶鮮奶 $33 鮮奶味同樣奶滑，甜度就比較輕，抹茶唔苦澀，採用宇治抹茶粉的確係茶味特別有濃香味，啖啖甘香茶味令人飲完又飲。
抹茶鮮奶漸層感比焙茶鮮奶重，顏色較搶眼，焙茶鮮奶顏色略顯沉穩，有如飽受歷練嘅中年人，而抹茶鮮奶則似足職場新鮮人。
延伸閱讀﹕大阪過江龍人氣拉麵店抵港 全港獨有鯛魚湯
春陽茶事
| 地址﹕ | 中環擺花街52-60號新豐樓地下2號舖 |
| 營業時間﹕ | 星期一至六 10:00 – 22:00；星期日 10:00 – 21:00 |
| 電話﹕ | 2866 2225 |
