2021-09-23

龍鼓灘海邊任食BBQ 親子樂園聚會之選

龍鼓灘


龍鼓灘鄰近天后古廟,係唔少人相約BBQ嘅地方,空間寬敞,可以方便小朋友放電、情侶拍拖散步、朋友聚會之用。

龍鼓灘燒烤場鄰近海邊,可以欣賞日落靚景,夜晚亦可以睇夜景兼浪漫數星星,海邊雅座環境勁Chill,室內空間亦尚算企理,有冷氣VIP房同公眾空間,仲有小朋友遊樂設施。

現場收費係咪親民就可圈可點,150蚊包入場費、炭同基本嘢食,食物種類唔算多,最多只係雞翼,其他肉類如牛肉、豬頸肉都有,仲有丸類、栗米等。最難以接受嘅地方係,竟然唔包燒烤必備嘅棉花糖!一包棉花糖要HKD22,早知出面買入嚟好過。

入門口需先喺售票處登記,戴上手帶,方便識認,然後入座,位置可自己揀一張。BBQ以自助形式為主,任燒任食,另購燒烤網就比較方便,可慳返時間同人手,每人均有飲品券,可以兌換一支水同一款汽水。

室內場地有VIP冷氣房、兒童遊樂設施,有滑梯等俾小朋友放電,地面都有基本軟墊保障安全。場內有唔少免費同收費嘅娛樂設施,收費如卡啦OK、麻雀、啤牌、單車、足球、籃球等,免費如乒乓波、羽毛球、足球機、小朋友版桌球,總之收費比免費嘅多,所以BBQ算啦。

E.A.Tips﹕

(1)留意場內食物供應時間,完場前1小時前會停止。

(2)天氣仍然炎熱,建議一係揀海邊位置吹海風,一係挑選室內近風扇位置。

(3)入場費HKD600四個人,另加開爐費HKD50,燒烤夾、燒烤網、錫紙、牛油共HKD87,人均約HKD190。

(4)場內可以自攜食物,但唔可以自攜飲料,一經發現每樣罰HKD50。

(5)疫情期間,除咗進食時,均需要戴上口罩,娛樂設施亦恢復開放。

交通﹕
(1)西鐵屯門站交通交匯處轉乘K52港鐵接駁巴士,由總站屯門站經屯門市廣場、屯門碼頭,最後喺總站龍鼓灘落車,車程約45mins至1hr,過對面即達。
(2)搭的士入去大概15mins,約HKD90。
(3)附近有免費停車場,可揸車入內。

延伸閱讀﹕蝴蝶灣爆餡牛角包 入口酥脆 層層剝落超療癒

延伸閱讀﹕半島大廚製牛骨湯 屯門台菜小店試業驚喜連連

龍鼓灘海邊BBQ

龍鼓灘村 136地段
星期一 休息(公眾假期除外,團體另議);星期二至五 14:00–23:00;星期六 12:00–01:00;星期日 12:00–23:00
2613 8129
網站﹕http://www.yl.hk/hb-bbq/i_map.htm

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook啦!

ΔPlease Like & Follow & Subscribe /
歡迎讚好、追蹤、訂閱


信和隔離!旺角樓上咖啡店舖滿土耳其民族風Halı 摩洛哥彩繪玻璃吊燈搶眼任打卡
太子樓上悠閒咖啡室神秘蒲點 超驚喜法式肉凍+煙韌麻糬窩夫
【中秋好去處】全港10個另類戶外賞月好地方 近市區環境清靜交通方便最啱談心
銅鑼灣推限定二人套餐 人氣店燈籠滷味啖啖台北夜市風味
靠近石板潭!本地鳳眼藍9月再盛放 鹿頸南涌魚塘角落零距離觀賞浪漫紫花海【2021賞花地圖】
Bauhaus風格豈止中環街市? 中上環博覽館活化必列啫士街街市 直上半山探索童話式大宅
盛夏Kayaking!西貢海灣3條路線出發獨木舟 小島玻璃水清澈見底 探索海洋生態享異國風靚景
筲箕灣東大街平民價正宗泰國菜 冬蔭公湯底濃郁可口 蝦醬炒飯惹味有驚喜
深井村西式咖啡店只限7月?All Day Breakfast 配料自選 罕見櫻花蝦炒蛋+熱香餅有新鮮感
深水埗基隆街泰北麵口味正宗 家鄉湯底香口惹味恍如穿越泰國
【中秋好去處2021】大澳水鄉花燈節取消開幕儀式 走勻大街小巷尋幻彩手繪燈籠 同場加映元朗大橋街市五彩燈籠街+灣仔利東街紅噹噹燈籠海
光屋係乜東東?深井村歷史文化半日遊 農村變工業邨再變住宅地 探索舊式工廠+廢校牌坊
九十後部落觀塘新分店開業 懶人週末悠閒上樓歎All Day Breakfast
夏日去邊個沙灘?粉藍情人橋重開打卡地再現 石澳盡頭闖大頭洲回望小漁村尋靚景
連影193燈塔+日系碼頭唯美暮色!西貢海鮮街徒步三星灣路線 泳灘碧綠玻璃水清澈見底
大角嘴街角星馬菜餐廳 大大塊厚切豬扒上枱就聞到香味 最出色唔係菜式係乜?

撰文﹕Miss A ;攝影﹕Mr E, Miss A;設計﹕Mr E

View all posts by 撰文﹕Miss A ;攝影﹕Mr E, Miss A;設計﹕Mr E →