免用匙羹!大角嘴全新馬來叻沙椰香味重非咖哩叻沙 自家炒製醬料湯底濃稠超掛湯

免用匙羹!大角嘴全新馬來叻沙椰香味重非咖哩叻沙 自家炒製醬料湯底濃稠超掛湯

【#大角嘴新店】相對於旺角鬧市,大角嘴隱藏嘅美食更被低估,當中離奧海城不遠嘅富多來商場,就一間接一間小店,值得拍拖兩個人參觀吓,近月呢個舊式商場又有一間新店進駐,以馬來叻沙為主打,最先吸引眼球嘅地方係門口寫有每個禮拜都有休息時間,而店舖休息嘅理由係需要專心炒製醬料,原因都算係別具一格,更特別之處係湯底果然非常濃稠,麵條掛湯程度高,唔需要匙羹都能夠試到叻沙湯,款式並非似平常坊間最易見到嘅咖哩叻沙。