標籤: 香港古道

【#香港古道2023】即將踏入仲夏季節，天氣炎熱，行山可能係不可能任務，但又難以個個禮拜出海玩水，其實夏天都可以行山嘅。今次編輯就推介9道本地適合拍拖兩個人嘅夏天行山路線，9條路線都係隱藏香港古道，路線簡單，沿途滿佈樹蔭，清涼舒適。

【#搾糖石磨】西貢古道多如牛毛，可來往西貢至沙田、馬鞍山等地，每一條古道都歷史悠久，以石舖砌，一步步登上頂端，拍拖兩個人穿梭其中，踏出每一步都可感受舊人嘅努力，蠔涌就有一條大腦古道，石砌路段既有荒廢村落，亦隱藏搾糖石磨，每一處地方都係本地嘅歷史痕跡。

【#古道穿梭】由西貢徒步到沙田或馬鞍山，有好幾條路線，包括茅坪古道、北港古道，昂坪、梅花古道，甚至經飛鵝山，今次就由白沙灣起步，走比較少人知道嘅企壁山古道，接駁麥理浩徑第四段及長城古道前往沙田小瀝源，路線較少人步行，適合拍拖兩個人穿梭其中。