香港仔偽築地帆船野餐有遮蔭 鯨魚主題小店賣魚市場直送龍躉漢堡 揭人氣日本餐廳5大問題疑不尊重客人【野餐隨行】

鮨政+Cafe Whale+香港仔海濱公園

【#小帆船野餐】香港仔向來有傳統漁港氣氛,唔少人都選擇遊覽漁船、食艇仔粉,但其實岸邊市區都有好幾間良心餐廳可以拍拖兩個人揀選,今次一連選擇兩間,編輯評價係一正一負,其中一間以魚市場直送材料炮製漢堡包,啖啖惹人垂涎,另一間則以不尊重客人令我哋印象深刻,無論係堂食定外賣,以外賣最受影響,有啲人遇上相似情況會好大愛地表示係為咗唔令人中伏,但我哋無咁偉大,絕對係為咗自己感受,因為真係食得唔開心,只係感覺不被尊重,我哋一直堅持撐良心店,但良心店都要尊重我哋先得㗎!至於到底值唔值得去食,就由讀者自行決定。