【區區有小店】赤柱美食巡禮2023!小區推介2間尚存本土餐廳!

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第二十八炮找尋赤柱尚存嘅本土餐廳。

【野餐隨行】赤柱大街歎海邊下午茶 逾50年老牌茶檔每日限時賣咖央西多/碎牛菠蘿包 重有邊款係隱藏Menu?

泗益+赤柱海濱長廊

【#海邊下午茶】一直以為赤柱只有一間能夠支持嘅小店,編輯查看其他同路人平台方才得悉原來赤柱區內重有另一間老牌茶檔可以選擇。而呢間舊式大牌檔模式嘅小店,原來一直屹立市場街有逾50年歷史,鐵皮屋頂招牌亦逐漸褪色,單憑獨特嘅西多士,已經吸引唔少人慕名而至,屬拍拖兩個人歎下午茶嘅好去處之一,編輯就帶大家到海邊,感受真正最Chill嘅海邊下午茶啦!