【區區有小店】觀塘美食巡禮2023!小區推介9間尚存本土餐廳!

【區區有小店】觀塘美食巡禮2023!小區推介9間尚存本土餐廳!

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第五十三炮找觀塘尚存嘅本土餐廳。

觀塘工廈搵食!穿梭駱駝漆大廈尋慢煮料理?

觀塘駱駝漆大廈 工廈美食 慢煮屋

【#慢煮料理】好多人都曾拍拖兩個人於觀塘工廈搵食,唔少小店都會選擇喺工廈開舖,貪租金較平,所以工廈內不時搵到好嘢。編輯反而好少行觀塘駱駝漆大廈呢啲比較熱門嘅工廈,今次到呢幢工廈行逛,順道搵食,由高樓層開始逐層掃,先於11樓一間以慢煮料理為主題嘅小店醫吓肚,該店以平民丼飯為賣點。

清一色現泡茶 唔賣咖啡! 觀塘廠遊迷你日系茶室 週末與情人榻榻米放空茗茶

想爺爺了

【#放空品茗】呢間港式茶館位處工廈林立嘅觀塘區內,唔提供咖啡,只賣熱茶,對比云云咖啡店甚有分別,每杯熱茶都跟足工序沖泡,無論沖泡時間、次數,抑或水溫、預熱時間,講究程度媲美咖啡。茶向來係上咗年紀嘅人先識品茗,今次裝潢陳設方面迎合愛打卡嘅年輕人,改變品茶為長輩之間嘅刻板形象,唔通係想將茗茶文化傳俾年輕一代?