【區區有小店】西環美食巡禮2023!小區推介6間尚存本土餐廳!

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第二十三炮找尋西環尚存嘅本土餐廳。

西環低調Pho湯底濃郁 越南人打骰菜式正宗

堅尼地城美食 西環美食 越潮正宗越南食店

【#街坊越南菜】西環又係一個隱藏版美食地帶,只不過係以咖啡店佔多,一道道小巷內有一間又一間Coffee Shop,想正經食個飯可能未必適合,若然想拍拖兩個人食飯,除咗Coffee Shop之外乜都食得,西環有一間甚為低調嘅越南餐廳,位於西營盤至堅尼地城之間,店舖開業多年,原來係越南人打骰,炮製嘅係正宗越南菜。

香港西端舂坎角泳灘賞絕美夕陽餘暉 海水清澈見底完勝赤柱沙灘 西環兒時回憶傳統餅店月餅預告【野餐隨行】

華爾登餅店+舂坎角泳灘

【#西面沙灘】踏入8月,代表已經係盛夏季節,同時象徵夏天逐步進入倒數階段,拍拖兩個人去玩水絕對係不可或缺嘅活動,但獨木舟、直立板、風帆等多數都要付費,沙灘就變成免費嘅消暑活動,而邊個沙灘值得去呢?eatwo曾經推介過好幾個康文署正式泳灘,剩下嘅重有一個毗鄰赤柱嘅舂坎角沙灘,海水清澈,而且位置正對西面,黃昏時份可以觀賞夕陽西下靚景。至於去沙灘食乜好?其實沙灘都可以係一個野餐嘅地方,今次編輯就喺西環一間傳統餅店買港式西餅,適逢中秋即將來臨,順就買兩件月餅做個預告,有關月餅巡禮2022詳情請參考eatwo Facebook或網站。